1Nkulunkulu, ngisindise ngegama lakho, ngamandla akho ungehlulele.
2Yizwa umkhuleko wami, Nkulunkulu, ubeke indlebe emazwini omlomo wami.
3Abafokazi bangivukele, izidlova zizingela impilo yami. Azimgqizi qakala uNkulunkulu.
4Bheka, uNkulunkulu ungumsizi wami. INkosi igcina umphefumulo wami.
5Iyokuphindisela okubi okwenziwe yizitha zami; zibhubhise ngeqiniso lakho.
6Ngizonikela kuwe ngenkululeko, ngibonge igama lakho Simakade, ngokuba lihle.
7Igama lakho lingikhulule kuzo zonke izinkathazo, iso lami lizibonile izitha zami zinqotshwa.