1Ngihawukele, Nkulunkulu, ngokomusa wakho, wesule iziphambeko zami ngokobubele bakho obukhulu.
2Ngigezisise ebubini bami, ungihlanze esonweni sami.
3Ngiyazazi iziphambeko zami, isono sami siphambi kwami njalo.
4Ngonile kuwe, kuwe wedwa, ngenza okubi emehlweni akho. Wena ulungile nxa wehlulela, futhi kucacile ukwehlulela kwakho.
5Impela ngazalelwa ebubini, umame wangikhulelwa esonweni.
6Wena uthanda iqiniso ngaphakathi enhliziyweni, uyongifundisa ukuhlakanipha ekujuleni kwenhliziyo.
7Ngihlanze ngehisophi, ngihlambuluke, ngigeze, ngibe mhlophe kuneqhwa.
8Ngizwise intokozo nenjabulo, ukuze ethabe amathambo owachobozileyo.
9Fihla ubuso bakho ezonweni zami, uzesule zonke iziphambeko zami.
10Nkulunkulu, dala kimi inhliziyo ehlanzekileyo, uvuse umoya oqinileyo phakathi kwami.
11Ungangilahli ebusweni bakho, ungangemuki uMoya wakho oyiNgcwele.
12Buyisela kimi ukuthokoza kwensindiso yakho, ungiphase ngomoya ovumayo.
13Yikhona ngiyofundisa abaphambukayo izindlela zakho; nezoni ziphendukele kuwe.
14Nkulunkulu, ngikhulule ecaleni legazi, Nkulunkulu wensindiso yami, yikhona ulimi lwami luzohuba ngokulunga kwakho.
15Nkosi, vula izindebe zami, ukuze umlomo wami ulande ngodumo lwakho.
16Ngokuba awuwuthandi umhlatshelo, noma bengizakukunika umnikelo wokushiswa, ubungayukuthokoza ngawo.
17Iminikelo kaNkulunkulu ingumoya owephukileyo. Nkulunkulu, awuyukuyidelela inhliziyo eyaphukileyo nedabukileyo.
18IZiyoni lenzele okuhle ngokomusa wakho, uzakhe izingange eJerusalema.
19Khona uzojabulela iminikelo yokulunga engeyokushiswa naleyo eshiswa yonke, banikele nangezinkunzi phezu kwe-althare lakho.