Bible

1 哈利路亞！𠊎个心啊，你愛讚美上主！ 2 𠊎還生个時節愛讚美上主！𠊎一生人愛歌頌𠊎个上帝！ 3 你等毋好倚靠有權勢个人，毋好倚靠世間人；佢一些仔都不能幫助。 4 佢等个氣一斷就歸土；佢等个計劃當日就無用。 5 得到雅各个上帝來幫助个人，真有福氣噢！仰望上主—佢个上帝，這人實在有福氣噢！ 6 上帝創造天、地、海㧯其中个萬物；佢持守信實直到永遠。 7 佢為到該兜受欺壓个主持公道；佢給肚飢个人有好食。上主使該兜被人關个得到自由； 8 上主使瞙目个人看得到。上主扶持該兜受壓制个人；上主痛惜正直个人。 9 上主保護出外人，扶持孤兒寡婦；總係佢愛破壞惡人个詭計。 10 上主愛做王到永遠！錫安啊，你个上帝愛掌權到萬代！哈利路亞！