1上主帶𠊎等轉錫安个時，𠊎等就像發一隻夢一樣！2𠊎等開嘴大笑，歡呼唱歌！列國中間留傳一句話講：「上主為佢等成就大事！」3著，上主為𠊎等成就大事；𠊎等係樣般个快樂啊！4上主啊，求你再使𠊎等復興，像雨水倒轉去燥掉个河壩。5目汁濫泔去委種个人，就會歡呼來收成五榖！6該流等目汁、帶種子出去委種个人，轉來个時會歡喜唱歌、揇禾捆入門！