1若毋係上主起屋，起屋个人就打喪工；若毋係上主保護城市，看守个人也無路用。2早早䟘，暗暗睡，為到食歸日勞碌，這係無採工；因為上主在佢所痛惜个人睡目个時已經賜給佢等。3子女係上主所賜个產業；婦女懷胎係佢賜个福氣。4後生時所𫱔个子女，就像戰士手中个箭。5箭袋裝滿這種箭个人實在有福氣噢！佢在城門口同對手爭論就毋會見笑。