1信靠上主个人像錫安山，永遠企到在在，毋會搖動！2像群山圍等耶路撒冷，上主也恁樣圍等佢个子民，對這下直到永永遠遠。3上帝分給義人个土地毋會永遠被壞人管制；免得佢等也學壞人、伸手去做壞事。4上主啊，求你好款待該兜行善㧯心肝正直个人。5總係該兜行為偏差、做事彎曲个人，上主愛使佢等同作惡个人共下滅亡。願以色列享受太平！