1上主啊，幫助𠊎等！虔誠人絕掉了；在世間已經尋毋到忠心个人囉！2大家互相講花撩，嘴甜舌滑，心懷兩意。3願上主封掉奉承个嘴唇，割掉所有講大話个舌乸。4佢等講：「舌乸係𠊎等得勝个武器；嘴係𠊎等个，麼人管得到呢？」5總係，上主講：「這下，𠊎愛䟘起來！因為該兜軟弱个人受到壓迫，該兜窮苦人噌聲透大氣；𠊎愛救佢等脫離迫佢等个人。」6上主个應許最真實，全無缺點，像火爐中煉過七擺个銀恁純。