1上主啊，你毋記得𠊎愛到幾時呢？愛到永遠係麼？你揞等面毋搭𠊎愛到幾時呢？2𠊎忍氣吞聲，日夜憂愁愛到幾時呢？仇敵高高在上贏過𠊎，愛到幾時呢？3上主—𠊎个上帝啊，求你看顧𠊎，應𠊎；求你使𠊎重見光明，免得睡死掉去。4莫俾仇敵對𠊎講：「𠊎贏過佢了！」莫俾𠊎个敵人因為𠊎橫落去歡喜。5總講，𠊎倚靠你不變个慈愛；𠊎个心因為你个拯救會快樂。6𠊎愛唱歌頌讚上主，因為佢大施恩，好款待𠊎。