Bible

1 上主㧯𠊎个主講：「你坐在𠊎个右片，等𠊎使你个仇敵伏在你个腳下。」 2 上主愛對錫安擴展你个王權。你愛在你个敵人中掌權。 3 你同敵人作戰个時節，你个人民會自願從軍；你个後生人會到聖山來就你，就像朝晨頭个甘露恁多。 4 上主已經發誓，絕對無反悔，佢講：「你愛照麥基洗德个體制，永遠做祭司。」 5 主在你个右片；佢發譴該日愛打擊列王。 6 佢愛審判萬國，將身屍堆起來；佢愛打擊全地个統治者。 7 𠊎个王會在路堘啉溪水，能力就恢復，得到大勝利。