Bible

1 愛讚美上主！在正直人个聚會㧯議會中，𠊎愛全心全意來感謝上主。 2 上主个作為實在偉大；凡喜愛个就默想研究。 3 佢个作為滿有榮光、威嚴；佢个公義長存，直到永遠。 4 上主行奇事，使人紀念；佢滿有恩惠，又有憐憫。 5 佢賜食物給敬畏佢个人；佢永遠記等佢所立个約。 6 佢對佢个子民顯示大能，將外邦个土地賜給佢等。 7 佢个手所做个全部信實公正；佢一切个教訓確實可靠。 8 它兜永遠有效，係照信實㧯公義設立个。 9 佢為佢个子民施行救贖；佢同佢等立永遠个契約。佢个名係神聖得人畏个！ 10 敬畏上主係智慧个開頭；遵行佢誡命个就有聰明。愛讚美上主，直到永遠！