Bible

1 𠊎愛昂頭望群山；𠊎个幫助對㖠位來？ 2 𠊎个幫助係對上主來；佢係創造天地个主。 3 佢毋會俾你跌倒；你个保護者毋會啄目睡！ 4 看啊，以色列个保護者，佢毋會啄目睡，也毋會睡掉去。 5 上主愛保護你；佢在你个身邊保佑你。 6 日時頭，日頭毋會傷到你；暗晡時，月光也毋會害你。 7 上主愛保護你，免受一切个災難；佢愛保護你个生命。 8 你出、你入，上主愛保護你，對這下直到永永遠遠！