Bible

1 有人對𠊎講：「𠊎等來去上主个聖殿！」該時，𠊎實在當歡喜！ 2 這下，𠊎等來到這位，雙腳企在耶路撒冷个城門內。 3 耶路撒冷已經起好了，係一座連結整齊个城。 4 各支族，就係屬上主个各支族，攏總上去，照以色列所領受个法令頌讚上主个名。 5 這位有設伸張正義个寶座，就係大衛家个寶座。 6 愛為耶路撒冷求和平，講：「願愛惜你个人攏總興旺！ 7 願你个城肚有和平！願你个宮內盡興旺！」 8 為到𠊎个親戚朋友，𠊎愛對耶路撒冷講：「願你平安！」 9 為到上主—𠊎等上帝个聖殿，𠊎愛為你个幸福祈禱！