Bible

1 𠊎在患難中求喊上主，佢就應𠊎。 2 上主啊，求你救𠊎，救𠊎脫離花撩詭詐个人。 3 詭詐个人啊，上帝愛樣般對付你啊？佢愛樣般刑罰你啊？ 4 佢愛用戰士磨利个箭，用燒到盡紅个火炭來刑罰你。 5 𠊎做人客住在米設人當中，實在真慘！𠊎樣般恁衰，住在基達人个中間！ 6 這兜人盡惱和平；𠊎同佢等住共下忒久了！ 7 𠊎盡好和平；總係𠊎一開嘴，佢等就想愛相㓾。