Psalms 81— 2006

¹Радувајте се во Бога, нашата Сила, воскликнете кон Бога Јаковов;

²запејте песна, удрете во тимпан, на милозвучна лира со харфа;

³затрубете со труба во новомесечје, во определено време, во денот на ваши­от празник,

⁴зашто тоа е закон за Израел, на­редба од Бог Јаковов.

⁵Тој го установи тоа како сведош­тво за Јосиф, кога тој излезе од египетската земја, каде што чу јазик што не го знаеше:

⁶„Јас го симнав товарот од рамени­ците негови, и му ги ослободив рацете негови од кошницата.

⁷Во маката своја ти Ме повика, и Јас те избавив; при гром те чув, кај водите на Мерива те испитав.

⁸Чуј, народе Мој, и Јас ќе ти посведочам, ако Ме послушаш, Израеле!

⁹Да немаш друг бог и да не му се поклонуваш на друг земен бог!

¹⁰Јас сум Господ, Бог твој, Кој те изведе од египетската земја; отвори ја устата своја, и Јас ќе ја наполнам.

¹¹Но Мојот народ не го послуша гласот Мој, Израел не Ми се покори;

¹²затоа Јас ги оставив на нивните закоравени срца; нека одат по мислите свои.

¹³О, да беше Ме послушал Мојот народ и Израел да одеше по Моите патишта!

¹⁴Веднаш ќе ги покорев нивните непријатели и ќе ја свртев раката Своја против оние што го оскрбуваа.

¹⁵Оние, што Го мразат Господа, би ползеле до Него, и нивниот крај би бил запечатен засекогаш.

¹⁶А Мојот народ ќе го хранев со најдобра пченица и ќе ги наситував со мед пештерски.“