Psalms 75— 2006

¹Те фалиме Тебе, Боже, Те фали­ме, името Твое е близу. Луѓето ги разгласуваат твоите чудесни дела!

²Кога ќе дојде време, ќе судам според правда.

³Кога се заниша Земјата и сите, што живеат на неа, Јас ги зацврстив столбовите нејзини.

⁴Им велам на дрските: не бидете дрски! И на грешниците: не дигајте рог,

⁵не кревајте го високо вашиот рог, не говорете дрско,

⁶зашто издигањето не доаѓа ни од исток, ни од запад, ниту, пак, од пус­тината;

⁷но Бог е судија: едни унижува, а други возвисува.

⁸Зашто чашата е во раката на Гос­под, со вино пенливо, промешано, Тој налева од неа и до талог ќе го испијат сите грешници на земјата!

⁹Јас, пак, вечно ќе се радувам, ќе Му пеам на Јакововиот Бог,

¹⁰ќе им ги скршам роговите на сите грешници, а рогот на праведните ќе се возвиси.