1Услиши го, Боже, моето молење, прими ја молитвата моја.
2Кон Тебе викам од крајот на земјата, зашто срцето ми папса. Подигни ме на висока карпа,
3зашто Ти си моето прибежиште, крепосен заклон од непријателот.
4Дај ми да се населам вечно во Твоето живеалиште да се засолнам под покривот на Твоите крилја.
5Зашто Ти, Боже, ги чу моите молитви и им даде наследство на оние, кои се бојат од Твоето име.
6Додај му уште денови кон деновите на царот и продолжи му ги годините од род во род,
7за да владее вечно пред Бога; милост и верност испрати му за да го чуваат.
8И така, со песна ќе го воспевам Твоето име и ќе ги извршувам своите завети секој ден.