Psalms 45— 2006

¹Од срцето мое се изливаат благи зборови; Му ги посветувам на Царот стиховите мои; јазикот ми е како перо на брзописец.

²Ти си најпрекрасниот меѓу сино­вите човечки, благодат се излива од Твојата уста; затоа Бог Те благо­словил довека.

³Препаши го на бедрото мечот Свој, о силнику: во Својата красота и уба­вина!

⁴И така величествен, поитај побе­доносно заради вистината, кротоста и правдата, и Твојата десница ќе по­каже чудесни дела.

⁵Изострени се Твоите стрели, народите ќе паднат пред Тебе, — тие ќе се забодат во срцата на царските непријатели.

⁶Твојот престол, Боже, е вечен: же­золот на правдата е жезол на Твоето царство.

⁷Ти ја љубиш праведноста и го мра­зиш беззаконието; затоа, Бог, Твојот Бог, Те помаза со миризливо масло на радоста повеќе од Твоите собраќа.

⁸Сите Твои облеки мирисаат на смирна, алој и касија; кога излегуваш од дворците од слонова коска, харфи те развеселуваат.

⁹Царски ќерки се во Твојата по­чесна придружба; царицата стои покрај Тебе оддесно, украсена со офирско злато.

¹⁰Чуј, ќерко, види, приклони го увото свое: заборави го твојот народ и домот на таткото твој!

¹¹Зашто Царот ја посака твојата уба­вина, зашто Тој е твој Господар и приклони Му се тогаш ти.

¹²И ќерката тирска ќе Му се поклони со подароци и најбогатите меѓу народот ќе ја бараат твојата благонаклоност.

¹³Сета слава на царската ќерка е внатре: нејзината облека е везена со злато;

¹⁴во везена облека ќе ја доведуваат кај Царот; по неа одат девици, нејзини другарки.

¹⁵Ги доведуваат со веселба и радост, влегуваат во Царевиот дворец.

¹⁶Место твоите татковци, овде ќе бидат твоите синови; Ти ќе ги поста­виш за кнезови по целата земја.

¹⁷Ќе го спомнуваат името Твое од род во род; затоа народите ќе Те сла­ват од век до век.