Psalms 25— 2006

¹Кон Тебе, Господи, ја издигнувам душата своја.

²Боже мој, во Тебе се надевам, да не се посрамам, да не ликуваат над мене непријателите мои,

³да не се посрамат оние што се надеваат на Тебе; да се посрамат оние, што со леснотија изневеруваат.

⁴Покажи ми ги, Господи, патиш­тата Твои и научи ме да врвам по патеките Твои.

⁵Упати ме кон Твојата вистина и научи ме, зашто Ти си Бог на моето спасение; на Тебе се надевам секој ден.

⁶Спомни си ги штедростите Твои, Господи, и милостите Твои, зашто се вечни.

⁷Гревовите на младоста моја и пре­стапите мои не споменувај ги; по милос­та Своја сети се на мене, заради Твојата доброта, Господи!

⁸Добар и праведен е Господ, греш­ниците ги изведува на пат,

⁹ги упатува понизните кон правда и ги учи понизните на Своите патишта.

¹⁰Сите патишта Господови се ми­лост и вистина за оние, кои го пазат заветот Негов и уредбите Негови.

¹¹Заради Твоето име, Господи, прости ми го гревот мој, зашто е голем.

¹²Кои се тие што имаат страхопо­чит кон Господ? Ним Тој ќе им покаже кој пат да го изберат.

¹³Нивната душа ќе почива во добро, нивното семе ќе ја наследи земјата.

¹⁴Близок им е Господ на оние што имаат страхопочит кон Него; ним им го открива заветот Свој.

¹⁵Очите мои секогаш се кон Господ, зашто Тој ги вади од стапица нозете мои.

¹⁶Погледни на мене и смилувај се на мене, зашто сум самотен и во мака.

¹⁷Скрбите на срцето мое олесни ми ги; извади ме од мојата потиштеност.

¹⁸Погледај ги страдањата и маките мои, па прости ми ги сите гревови мои.

¹⁹Погледај ги моите непријатели, колку многу се намножија и колку многу ме мразат!

²⁰Запази ја душата моја и избави ме, за да не се посрамам, зашто во Тебе се надевам.

²¹Непорочноста и правдата нека ме чуваат, зашто во Тебе се надевам, Господи.

²²Избави го, Боже, Израел од сите неволји негови.