Psalms 26— 2006

¹Оправдај ме, Господи, бидејќи одев непорочно и непоколебливо верував во Господ.

²Искушај ме, Господи, испитај ме; отвори ги утробата моја и моето срце.

³Твојата милост е пред очите мои, а јас одам во Твојата вистина,

⁴со луѓе суетни не седам и со пре­стапници на законот Твој не се дружам;

⁵го намразив друштвото на злонамерните; со нечестивите нема да седнам;

⁶ги мијам рацете свои во невиноста и го обиколувам жртвеникот Твој, Гос­поди,

⁷за да ја разгласувам похвалата Твоја и да ги раскажувам сите Твои чудесни дела.

⁸Господи, го возљубив домот, во кој престојуваш и местото каде што пребива славата Твоја.

⁹Не погубувај ја душата моја со грешници и животот мој со крвопијци,

¹⁰во чии раце има злочини, чија дес­ница е полна со поткупи.

¹¹Јас, пак, одам во својата непороч­ност, избави ме, Господи, и помилуј ме.

¹²Ногата моја стои на прав пат, во собранијата ќе Те благословувам, Господи.