Psalms 115— 2006

¹Не нам, Господи, не нам, туку на Своето име дај му слава, заради Твојата милост, заради Твојата вистина,

²да не речат незнабошците: „Па каде е нивниот Бог?“

³Нашиот Бог е горе на небесата; врши сѐ, што сака.

⁴А идолите на незнабошците се среб­ро и злато, дело на човечки раце:

⁵уста имаат, а не зборуваат, очи има­ат, но не гледаат;

⁶имаат уши, но не слушаат; имаат ноздри, но не мирисаат;

⁷раце имаат, но не пипаат; нозе има­ат, но не одат; тие не пуштаат глас од грлото свое.

⁸Слични на нив се и оние што ги прават, такви се и оние што се надеваат на нив.

⁹Доме Израелов, надевај се во Гос­под; Тој е наш помошник и заштитник.

¹⁰Доме Аронов, надевај се во Господ; Тој е наш помошник и заштитник.

¹¹Вие кои се боите од Господ, надевајте се во Господ; Тој е ваш помошник и заштитник.

¹²Господ се сеќава на нас и нѐ благо­словил, го благословил домот Израе­лов, го благословил домот Аронов,

¹³ги благословил оние, кои се бојат од Господ, мали и големи.

¹⁴Нека ви придаде Господ вам повеќе, вам и на вашите деца.

¹⁵Благословени да сте од Господ, Кој ги создаде небото и земјата.

¹⁶Небесата се Господови небеса, а земјата Тој им ја даде на синовите човечки.

¹⁷Не ќе Те слават мртвите, Госпо­ди, ниту оние што слегуваат во местото на молкот,

¹⁸туку ние живите ќе Го благословуваме Господа отсега и засекогаш.