Psalms 116— 2006

¹Се радувам дека Господ ќе го усли­ши гласот на моето молење,

²зашто го приклони кон мене Свое­то уво, и затоа ќе Го повикувам преку сите мои дни.

³Смртни болки ме обзедоа, пеколни маки ме стигнаа; се најдов во неволја и мака.

⁴Тогаш го повикав името Госпо­дово: О, Господи, избави ја душата моја!

⁵Милостив е Господ и праведен, и милосрден е нашиот Бог.

⁶Господ ги пази слабите: бев во мака и Тој ми помогна.

⁷Врати се, душо моја, во својот мир, зашто Господ постапи добро со тебе,

⁸бидејќи душата моја ја истргна од смрт, очите мои — од солзи, и нозете мои — од сопнување.

⁹Одам со благодарност пред лицето на Господ во земјата на живите.

¹⁰Верував и кога говорев: во голема мака сум.

¹¹Во мојата необмисленост си ре­ков: секој човек е лажливец.

¹²Што да Му дадам на Господ за сите Негови добрини што ми ги направи мене?

¹³Ќе ја земам чашата на спасението и името на Господ ќе го повикам.

¹⁴Заветите ќе Му ги упатам на Гос­под пред целиот Негов народ.

¹⁵Скапа е во очите на Господ смртта на Неговите светии.

¹⁶О, Господи, јас сум слуга Твој, јас сум слуга Твој и син на Твојата слугинка. Ти ги скрши моите окови.

¹⁷Тебе ќе Ти принесам благодар­ствена жртва;

¹⁸ќе ги исполнам заветите мои на Господ пред сиот Негов народ.

¹⁹Во предворјето на домот Госпо­дов, среде тебе, Ерусалиме!