Psalms 112— 2006

¹Алилуја! Блажен е оној човек, кој се бои од Господ и кому му се мили Него­вите заповеди.

²Неговото потомство ќе биде силно на земјата; родот на праведните ќе биде благословен.

³Слава и богатство ќе има во него­виот дом; и правдата негова ќе преус­пева вечно.

⁴На праведните во темнина им изгрева светлина; тие се благородни, милос­тиви и справедливи.

⁵Има добро за човек што е дареж­лив и на заем дава; тој праведно ги извршува своите работи;

⁶и никогаш нема да се разниша; пра­ведниот останува во вечен спомен.

⁷Од лоши гласови нема да се уплаши; срцето му е спремно, зашто се надева на Господ.

⁸Срцето му е цврсто: тој нема да се уплаши, кога — годе ќе погледне во не­пријателите свои.

⁹Тој разделува, дава на сиромаси; правдата негова останува вечно; него­виот рог ќе се возвиши во слава.

¹⁰Грешниот, кога ќе го види тоа, ќе се јадосува, ќе крцка со забите свои и ќе се топи. Желбата на грешникот пропаѓа.