Psalms 111— 2006

¹Алилуја! Ќе Те славам, Господи, од сѐ срце во советот на праведните и во собранието.

²Големи се делата на Господ, нека размислуват за нив сите што уживаат во нив.

³Неговото дело е слава и велико­лепие, а правдата Негова вечно ќе постои.

⁴Незаборавни ги направи чудесата Свои, милостив и штедар е Господ.

⁵Им дава храна на оние, кои се бојат од Него; вечно го помни заветот Свој.

⁶Силата на делата Свои му ја покажа на Својот народ, за да му ги даде незна­бошците во наследство.

⁷Делата на рацете Негови се верност и правда; и верни се сите заповеди Негови,

⁸утврдени засекогаш, засновани врз верност и правдина.

⁹Тој му испрати избавување на Својот народ; засекогаш го установи Својот завет. Свето е и страшно името Негово.

¹⁰Почеток на мудроста е стравот од Господ; здрав разум имаат сите, кои според неа постапуваат. Похвалата Негова пребива вечно.