Numbers 26— 2006

¹По тој пораз Господ му рече на Мојсеј и на свештеникот Елеа­зар, син Аронов, велејќи:

²„Преброј го целото општество на синовите израелски од дваесет години нагоре, според семејствата нивни, сите способни за војување во Израел.“

³И им рекоа Мојсеј и свештеникот Елеазар во рамнините моавски кај Јор­дан, спроти Ерихон, велејќи:

⁴„Пребројте ги сите од дваесет години и нагоре, како што заповеда Господ на Мојсеј и на синовите израелски, кога излегоа од египетската земја:

⁵Рувим, првороден син Израелов. Рувимови потомци: од Анох — родот Аноховци, од Палу — родот Палуовци,

⁶од Есром — родот Есромовци, од Карми — родот Кармиевци;

⁷тоа се Рувимовите родови: на број тие беа четириесет и три илјади седумстотини и триесет.

⁸Палуовите потомци: Елијав,

⁹и Елијавовите синови: Немуел, Датан и Авирон. Тоа се оние Датан и Авирон, претставници во Соборот, кои предизвикаа смут против Мојсеј и Арон заедно со групата на Кореј, кога тие предизвикаа бунт против Господ;

¹⁰па земјата ја отвори устата своја и ги голтна заедно со Кореј: заедно со нив умреа и соучесниците нивни, кога оган изгоре двесте и педесет човека, и тие станаа за пример;

¹¹но синовите на Кореј не умреа.

¹²Симеоновите потомци според поколенијата нивни: од Немуел — Немуеловото поколение, од Јамин — Јаминовото поколение, од Јахин — Јахиновото поколение,

¹³од Зерах — Зераховото поколение, од Саул — Сауловото поколение;

¹⁴тоа се Симеоновите родови: дваесет и две илјади и двесте.

¹⁵Гадови потомци според родовите нивни: од Цефон — родот Цефоновци, од Хагиј — родот Хагиевци, од Шуниј — родот Шуниевци,

¹⁶од Озниј — родот Озниевци, од Ериј — родот Ериовци,

¹⁷од Арод — родот Ародовци, од Арелиј — родот Арелиевци;

¹⁸тоа се родовите на Гадовите потомци, според пребројувањето нивно: четириесет илјади и петстотини.

¹⁹Јудините потомци: Ер и Онан, Ер и Онан умреа во хананската земја;

²⁰Јудините синови според поколенијата нивни беа: од Сала — Салаовото по­коление, од Фарес — Фаресовото поколение, од Зерах — Зераховото поколение.

²¹Фаресови синови беа: од Есром — Есромовото поколение, од Хамул — Хамуловото поколение;

²²тоа се Јудините родови според пребројувањето нивно: седумдесет и шест илјади и петстотини.

²³Исахарови потомци според поколе­ни­јата нивни: од Тола — Толовото по­коление, од Пуа — Пуиното поколение,

²⁴од Јашув — Јашувовото поколение, од Шимрон — Шимроновото поколение;

²⁵тоа се Исахаровите родови, според пребројувањето нивно: шеесет и четири илјади и триста.

²⁶Завулонови потомци според родо­вите нивни: од Серед — родот Середиев, од Елон — родот Елонов, од Јахлеел — родот Јахлеелов.

²⁷Тоа се Завулоновите родови, според пребројувањето нивно: шеесет илјади и петстотини.

²⁸Јосифови потомци според поколе­ни­јата нивни: Манасија и Ефрем.

²⁹Манасиеви потомци: од Махир — Махирово поколение, од Махир се роди Галаад, од Галаад — Галаадово поколение.

³⁰Еве ги Галаадовите потомци: од Иезер — Иезеровото поколение, од Хелек — Хелековото поколение,

³¹од Азриил — Азрииловото поколение, од Шехем — Шехемовото поколение,

³²од Шемида — Шемидаовото поколение, од Хефер — Хеферовото поколение.

³³Салпаад, син Хеферов, немаше си­нови, туку само ќерки; имињата на Салпаадовите ќерки беа: Махла, Ноа, Хогла, Милка и Тирца.

³⁴Тоа се Манасиевите поколенија; а на број тие беа педесет и две илјади и седумстотини.

³⁵Еве ги Ефремовите потомци според родовите нивни: од Шутел — Шутело­виот род, од Бехер — Бехеровиот род, од Тахан — Тахановиот род.

³⁶А еве ги Шутеловите потомци: од Еран — Ерановиот род.

³⁷Тоа се родовите на Ефремовите по­томци, според пребројувањето нивно: триесет и две илјади и петстотини. Тоа се Јосифовите потомци според поколе­нијата нивни.

³⁸Венијаминовите потомци според поколенијата нивни: од Бела — Белао­вото поколение, од Ашбел — Ашбеловото поколение, од Ахирам — Ахира­мово­то поколение;

³⁹од Шефуфам — Шефуфамовото по­ко­ление; од Хуфам — Хуфамовото поко­ление.

⁴⁰Синови на Бела беа: Арди и Наа­ман: од Ард — Ардово поколение, од Нааман — Наамановото поколение;

⁴¹тоа се Венијаминовите потомци спо­ред поколенијата нивни; а на број тие беа четириесет и пет илјади и шестотини.

⁴²Еве ги Дановите потомци според родовите нивни: од Шухам — Шухамо­виот род; тоа се родовите Данови според поколенијата нивни.

⁴³А сите Шухамови родови според пребројувањето нивно беа: шеесет и четири илјади и четиристотини.

⁴⁴Асирови потомци според поколението нивно: од Јимна — Јимнаовото поко­ление, од Јишви — Јишвиевото поколение, од Берија — Бериевото поколение.

⁴⁵Од Бериевите синови, од Хевер — Хеверовото поколение, од Мелхиил — Мелхииловото поколение.

⁴⁶Името на Асировата ќерка беше Зара.

⁴⁷Тоа се поколенијата на Асировите потомци според пребројувањето нивно: педесет и три илјади и четиристотини.

⁴⁸Нефталимови потомци според родовите нивни: од Јахцеел — Јахцеело­виот род, од Гуниј — Гуниевиот род;

⁴⁹од Јецер — Јецеровиот род, од Шилем — Шилемовиот род;

⁵⁰тоа се Нефталимовите родови според пребројувањето нивно: а на број тие беа четириесет и пет илјади и чети­ристотини.

⁵¹Тоа се влезените во пребројувањето синови израелски: шестотини и една илјада седумстотини и триесет.“

⁵²И му рече Господ на Мојсеј, ве­лејќи:

⁵³„Ним да им се подели земјата во наследство, според бројот на имињата;

⁵⁴на помногубројните дај им поголем дел, а на помалубројните дај им помал дел: секому треба да му се даде дел сраз­мерно со бројот на влезените во пре­бројувањето;

⁵⁵земјата треба да се подели со ждрепка; тие треба да добијат наслед­ство според имињата на нивните родо­ви;

⁵⁶со ждрепка да им се поделат нив­ните делови — како на многубројните, така и на малубројните.“

⁵⁷А тоа се Левиевите родови што влегоа во пребројувањето според поколе­нијата свои: од Гирсон — Гирсоновото поколение, од Каат — Каатовото поколение, од Мерариј — Мерариевото поколение.

⁵⁸Ова се Левиевите родови: родот Ли­вниев, родот Хеврониев, родот Махли­ев, родот Мушиев, родот Кореов. Од Каат се роди Амрам.

⁵⁹Името на Амрамовата жена беше Јохевед, ќерка Левиева, која е родена од Левиевата жена во Египет, а таа му ги роди на Амрам Арон, Мојсеј и Мирјам, нивната сестра.

⁶⁰На Арон му се родија Надав и Авиу, Елеазар и Итамар;

⁶¹но Надав и Авиу умреа, кога принесоа туѓ оган пред Господ.

⁶²Сите од машки пол, од еден месец и нагоре, беа преброени дваесет и три илјади; тие не беа преброени заедно со синовите израелски, зашто не им беше даден дел меѓу синовите на Израел.

⁶³Тоа се преброените од Мојсеј и свештеникот Елеазар, кои ги преброија синовите израелски во рамнините моавски кај Јордан, спроти Ерихон;

⁶⁴меѓу нив немаше ни еден од оние, кои Мојсеј и свештеникот Арон ги преброија, кога ги пребројуваа синовите из­ра­елски во Синајската Пустина;

⁶⁵зашто Господ им беше рекол дека тие ќе изумрат во пустината. И никој од нив не остана, освен Јефунеовиот син Халев и Навиновиот син Исус.