Nehemiah 11— 2006

¹И се населија старешините народни во Ерусалим, а други­те од народот фрлија ждрепка, за да излезе еден од десетмина да се насели во светиот град Ерусалим, а преостанатите девет — во другите градови.

²И народот ги благослови сите, кои доброволно се согласија да живеат во Ерусалим.

³Еве ги старешините на земјата што се населија во Ерусалим, а во градовите на Јудеја сите живееја на својот имот, по градовите свои: дру­гите Израелци, свештениците, левитите и слугите на храмот, и потомците на Соломоновите слуги.

⁴Во Ерусалим се населија и некои од потомците на Јуда и од потомците на Венијамин; од Јудините потомци: Ата­ја, син на Озија, син Захариев, син Ама­риев, син Сафатиев, син Маха­лаеилов, од потомците на Фарес,

⁵и Маасеја, син на Варух, син на Кол-Хозе, син на Хазаја, син на Адаја, син на Јојарив, син Захариев, потомци на Силомниј.

⁶Сите потомци на Фарес, што живееја во Ерусалим, беа четиристотини шеесет и осум, храбри луѓе.

⁷А, еве, ги потомците Венија­минови: Салу, син Мешуламов, син Јоедов, син Педаев, син Колаев, син Маасеев, син Итиелов, син Исаев,

⁸и по него Габај и Салај — деветстотини дваесет и осум.

⁹Јоил, синот Зихриев, беше начал­ник над нив, а Јуда, синот на Хасенуа, беше втор над градот.

¹⁰Од свештениците: Једаја, син на Јојарив, Јахин,

¹¹Сераја, син Хелкиев, син Мешу­ламов, син Садоков, син Мерајотов, син на Ахитув, началник на Божјиот дом,

¹²и нивните браќа, кои вршеа служба во Божјиот дом, — осумстотини дваесет и двајца; и Адаја, син Јерохамов, син Пелалиев, син Амаси­ев, син Захариев, син Пашхуров, син Мелхиев,

¹³и браќата негови, старешини на родовите — двесте четириесет и двајца; и Амашсај, син Азариилов, син Ах­заев, син Мешилемотов, син Имеров,

¹⁴и браќата негови, мажи воинствени — сто дваесет и осум. Началник им беше Завдиел, син Хагедолимов.

¹⁵А од левитите: Шамаја, син на Ха­шув, син Азрикамов, син на Хашавија, син Буниев,

¹⁶и Шабетај, и Јозавад од левитските началници за надворешни ра­боти на Божјиот дом,

¹⁷и Матанија, син на Миха, син Завдиев, син Асафов, водител при славословието, за време на молитвата, и Бакбукија, втор по него од браќата не­гови, и Авда, син на Шамуа, син Галалов, син Једутунов.

¹⁸Сите левити од светиот град беа двесте осумдесет и четири.

¹⁹А вратари: Акув, Талмон и браќата нивни, стражари при портите — сто седумдесет и двајца.

²⁰Другите Израелци, свештениците и левитите, живееја по сите градови на Јудеја, секој во својот дел.

²¹А храмовите прислужници жи­вееја во Офел: нивни началници беа Циха и Гишпа.

²²Началник на левитите во Ерусалим беше Озиј, син на Ваниј, син Хашавиев, син Матаниев, син Михаев од потомците Асафови, кои беа певци при службата во Божјиот дом;

²³зашто од царот имаше за нив посебна заповед, и имаше правило определено за певците за секој ден.

²⁴И Петахија, син Мешезавелов од потомците Зерахови, Јудин син, беше застапник на царот за сите работи што се однесуваа на народот.

²⁵Од оние, пак, што беа по селата, на нивите свои, некои од Јудините синови живееја во Кирјат-Арба и во неговата околина, во Дивон и во околината негова, во Јекавцеел и во селата негови,

²⁶во Јешуа, во Молада и во Бет-Пе­лет,

²⁷во Хацар-Шуал, во Вирсавија и во нивните околини,

²⁸Во Циклаг, во Мехона и во нивни­те околини,

²⁹во Ен-Римон, во Цора и во Јармут,

³⁰во Заноах, Адулам и селата нивни, во Лакиш и полињата негови, во Азека и неговата околина; тие се беа сместиле од Вирсавија дури до Хиномовата Долина.

³¹Синовите Венијаминови живееја во Гева, во Михмаш до Ветил и во сите села негови,

³²во Анатот, Нов, Ананија,

³³Асор, Рама, Гитаим,

³⁴Хадид, Цевоим, Невалат,

³⁵Лод, Оно и во долината Харашим.

³⁶Во деловите на Јуда и на Венијамин свои населби имаа и левитите.