Leviticus 6— 2006

¹И пак му рече Господ на Мојсеј, велејќи:

²„Заповедај му на Арон и на синовите негови, и кажи им: ова е законот за жртви сепаленици — жртвата сепаленица нека гори врз жртвеникот цела ноќ до изутрина; и огнот нека гори на жртвеникот.

³Свештеникот нека ја облече ленената одежда, а и ленената долна облека нека ја облече на телото свое, па потоа нека ја собере пепелта од жртвата што огнот ја изгорел и нека ја стави покрај жртвеникот.

⁴А откако ќе ги соблече одеждите свои и облече други, нека ја изнесе пе­пелта надвор од логорот на чисто место.

⁵А огнот што е на жртвеникот, нека гори на него, да не се гасне. Свеш­те­никот нека потпалува врз него дрва секое утро, и нека ја поставува на него жртвата сепаленица, нека го гори на него лојот од жртвата за мир.

⁶Огнот да гори постојано на жртве­никот, нека не се гасне.

⁷Ова е законот за лебниот принос, што ќе го принесуваат синовите Ароно­ви пред Господ при жртвеникот.

⁸Свештеникот нека земе грст од лебниот принос и од пченичното брашно и од маслото и сиот темјан, што е врз жртвата, и нека го изгори тоа на жрт­веникот како спомен за благопријатен мирис пред Господ.

⁹А она што ќе преостане од неа, му припаѓа за јадење на Арон и на си­новите негови; нека го јадат пресно, на свето место; во дворот од скинијата на собранието нека го јадат.

¹⁰Да не се пече со квас: тоа е дел што им го давам како дар од приносите Господови; тоа е најголема светиња како жртвата за грев и жртвата за престап.

¹¹Секое машко меѓу синовите Аро­нови нека јаде од неа. Тоа е вечен дел за потомството нивно од приносите на Господ; секој, што ќе се допре до него, ќе биде осветен.“

¹²И уште му рече Господ на Мојсеј, велејќи:

¹³„Тоа е дарот од Арон и синовите негови што ќе Му го принесуваат на Господ во оној ден кога ќе биде пома­зан: една десетина од ефа пченично брашно како постојана жртва, половина за наутро, а другата половина за наве­чер.

¹⁴Жртвата треба да се приготвува во тава, со масло; натопена во масло и на парчиња принесувај ја, онака како што се дели на парчиња лебниот принос; принесувај ја како благопријатен мирис пред Господ.

¹⁵И свештеникот меѓу синовите него­ви, што ќе биде помазан по него, нека го прави тоа; тоа е вечен закон на Гос­под. Сета жртва треба да се изгори.

¹⁶И секој свештенички лебен принос треба целиот да се гори, и да не се јаде.“

¹⁷И пак му рече Господ на Мојсеј, велејќи:

¹⁸„Кажи му на Арон и на синовите негови, и речи им: ова е закон за жртвата поради грев — на местото каде што се коле жртвата сепаленица, на тоа место нека се коле и жртвата за грев пред Господ, бидејќи тоа е најголема светиња.

¹⁹Свештеникот што ќе ја принесува, нека јаде; на свето место нека ја јаде, во дворот од скинијата на собранието.

²⁰Сѐ што ќе се допре до месото нејзино ќе се освети; а ако некој ја испрска облеката своја со крвта нејзина, оној дел што ќе биде испрскан нека го испере на свето место.

²¹И садот земјен, во кој се варела, нека се скрши; ако е, пак, готвена во бакарен сад, нека се истрие и со вода нека се измие.

²²Секое машко од свештенички род нека го јаде тоа; тоа е најголема светиња.

²³А секоја жртва за грев, од која се внесува крв во скинијата на собранието, за да се изврши очистување во свети­лиштето, да не се јаде; таа треба да се изгори.“