Joshua 19
1 Втората ждрепка падна за Симеон, за племето на Симеоновите синови, според родовите нивни; и наследството нивно беше меѓу делот на Јудините синови.
2 Во делот нивни беа: Вирсавија, Сева и Молада,
3 Хацар-Шуал, Бала и Ецем,
4 Елтолад, Бетул и Хорма,
5 Циклаг, Бет-Маркавот и Хацар-Суса,
6 Бет-Леваот и Шарухен: тринаесет градови со селата нивни;
7 Ен-Римон, Етер и Ашан: четири града со селата нивни,
8 и сите предградија околу тие градови дури до Ваалат-Беер и Рамат-Негев. Тоа е делот на племето на Симеоновите синови, според родовите нивни.
9 Од делот на Јудините синови се оддели наследство за племето на Симеоновите синови; бидејќи делот на Јудините синови беше многу голем за нив, затоа Симеоновите синови добија наследство меѓу нивниот дел.
10 Третиот дел им се падна на Завулоновите синови, според родовите нивни и границата на нивниот дел се простираше до Сарид;
11 границата нивна излегува кон морето и Марала и допира до Дабешет и потокот, што е пред Јокнеам;
12 од Сарид оди назад кон исток, каде што изгрева сонцето до границата на Кислот-Тавор; оттука продолжува кон Даверат и излегува кај Јафија;
13 оттаму минува на исток кон Гат-Хефер и Ет-Кацин, и оди кон Римон, свртувајќи кон Неа;
14 од север границата свртува кон Ханатон и завршува во долината на Јифта-Ел;
15 понатаму таа ги опфаќа: Катат, Нахалал, Шимрон, Јидала и Витлеем: дванаесет градови со селата нивни.
16 Тоа е наследството на Завулоновите синови, според родовите нивни — градовите и селата нивни.
17 Четвртата ждрепка падна на Исахар, за Исахаровите синови, според родовите нивни;
18 нивната граница беше: Јизреел, Кесулот и Сунем,
19 Хафараим, Шион, Анахарат,
20 Рабит, Кишјон и Евец,
21 Ремет, Ен-Ганим, Ен-Хада и Бет-Пацец;
22 границата допира до Тавор, Шахацима и Ветсамис и завршува кај Јордан: шеснаесет градови со селата нивни.
23 Тоа е наследството на племето на Исахаровите синови, според родовите нивни — градовите и селата нивни.
24 Петтата ждрепка падна за племето на Асировите синови, според родовите нивни;
25 нивна граница беа: Хелкат, Хали, Бетен и Ахшаф,
26 Аламелех, Амад и Мишал; границата се ближи до Кармил откај запад и до Шихор-Ливнат.
27 Потоа оди назад на исток кон Бет-Дагон, допира до територијата на Завулон и до долината Јифта-Ел, потоа оди на север кон Бет-Емек и Неиел и продолжува кон Кавул,
28 Авдон, Рехов, Хамон и Кана, сѐ до големиот Сидон;
29 потоа границата се враќа кон пределот на Рама до утврдениот град Тир, свртува кон пределот Хоса и завршува кај морето, во гратчето Ахзив;
30 понатаму ги опфаќа: Ако, Афек и Рехов: дваесет и два града со селата нивни.
31 Тоа е делот на племето на Асировите синови, според родовите нивни — градовите со селата нивни.
32 Шестата ждрепка се фрли за Нефталим, за синовите Нефталимови, според родовите нивни.
33 Границата нивна оди од Хелеф од дабовата гора во Цаананим кон Адами-Некев и Јавнел, дури до Лакум и завршува кај Јордан;
34 оттука границата свртува на запад кон Азнот-Тавор и оттаму оди кон Хукок, и допира до Завулон од југ, допира и до Асир, од запад, и до Јуда кај Јордан, откај источната страна.
35 Утврдени градови беа: Цидим, Цер, Хамат, Ракат и Кинерет,
36 Адама, Рама и Асор,
37 Кедес, Едреи и Ен-Асор,
38 Јирон, Мигдал-Ел, Хорем, Бет-Анат и Ветсамис: деветнаесет градови со селата нивни.
39 Тоа е наследството на племето на Нефталимовите синови, според родовите нивни — градовите и селата нивни.
40 За племето на Дановите синови, според родовите нивни, се фрли седмата ждрепка.
41 Границите на нивниот дел беа: Цора, Ештаол и Ир-Шемеш
42 и градовите: Шаалабин, Ајалон и Јитла,
43 Елон, Тимната, Екрон,
44 Елтеке, Гибетон и Ваалат,
45 Јехуд, Бене-Берак и Гат-Римон,
46 Ме-Јаркон и Ракон, со областа околу Јафа.
47 Но делот на Дановите синови беше мал за нив и тие кренаа војска против Лешем, го презедоа и сите ги убија со сечилото на мечот, го завладеаја градот и се населија во него, и Лешем го нарекоа Дан, според името на предокот свој Дан.
48 Тоа е наследството на племето на Дановите синови, според родовите нивни — градовите и селата нивни.
49 Откако заврши делбата на земјата, според границите нејзини, синовите Израелови му дадоа меѓу нив наследство и на Исус, синот Навинов:
50 по заповед на Господ му го дадоа градот што го побара: Тимнат-Серах, на Ефремовата Гора; и тој го обнови градот и се всели во него.
51 Тоа се наследствата што свештеникот Елеазар, Исус, синот Навинов, и родоначалниците на племињата им ги разделија на синовите Израелови, со ждрепка, во Силом, пред Господ, пред влезот во скинијата на собранието. И завршија со поделбата на земјата.