Job 35— 2006

¹Продолжи пак Елијуј и рече:

²„Мислиш ли ти дека е право тоа што го рече: ‚Праведен сум пред Господ?‘

³Ти рече: ‚Каква полза за мене и каква корист ќе имам, ако грешам?‘

⁴Јас ќе ти одговорам и на тебе и на твоите пријатели:

⁵Погледај кон небото и види; загледај се во облаците — тие се повисоки од тебе.

⁶Ако грешиш, што ќе Му напра­виш Нему? И ако твоите престапи се умно­жуваат, што Му причинуваш Нему?

⁷Ако си праведен, што Му даваш? Или што ќе добие од раката твоја?

⁸Твојата нечесност може да му на­прави лошо на човек како тебе; а твојата праведност може да му помогне на синот човечки.

⁹Од многу насилници офкаат угне­тените и од рацете на силните пиштат;

¹⁰но никој не вели: ‚Каде е Бог, мојот Создател, Кој дава песни ноќе,

¹¹Кој нѐ прави поразумни од земниот добиток и помудри од птиците небе­ски?‘

¹²Тогаш тие викаат, но Тој не им одговара, поради гордоста на лошите луѓе.

¹³Но Бог слуша, Седржителот го гледа тоа.

¹⁴Макар и да велиш дека не Го гледаш, но судот е пред Него, и — оче­кувај го.

¹⁵А сега, бидејќи гневот Негов не го посети, и Тој не го испита со сета строгост,

¹⁶затоа, Јов, лесномислено ја отвора устата своја и без размислување, не­разумно говори.“