Job 26
1 Одговори на тоа Јов и рече:
2 „Како му помогна ти на слабиот, како ја поткрепи раката на немоќниот!
3 Каков совет му даде ти на неразумниот и како ја покажа својата мудрост!
4 Кому му ги кажуваше тие зборови? Чиј дух излегуваше од тебе?
5 Подлабоко од водите, и под оние што живеат во нив, треперат мртовците.
6 Светот на мртвите е откриен пред Него, и нема покривка над него.
7 Го послал Тој северот над празнината, ја закачил земјата на ништо.
8 Тој ги заклучува водите во облаците Свои, и облакот под нив не се отвора.
9 Го поставил престолот Свој и го распнал над него Својот облак.
10 Ставил круг над водната површина на границата меѓу светлината и темнината.
11 Столбовите небески се тресат и треперат од силата Негова.
12 Со силата Своја го бранува морето и со разумот Свој го поразува беснеењето негово.
13 Со Својот Дух го разбистри небото; раката Негова ја прободе лукавата змија.
14 Ете, тоа се делови од патиштата Негови; а колку малку сме слушале за Него! И кој може да го разбере громот на Неговата моќ?“