Bible

1 Слово што пророкот Еремија му го кажа на Варух, синот Нириев, кога тој ги запиша во книга овие збо­рови од устата на Еремија, во четвртата година на јудејскиот цар Јоаким, син Јошиев — 2 „Вака вели Господ, Бог Израелов, за тебе, Варух: 3 ти велиш — ‚тешко мене! зашто Господ ми придодаде кон болката моја; изнемоштен сум од воздишки и спокој немам.‘ 4 Кажи му вака: така вели Господ — еве, што сум направил, ќе разрушам, и, што сум посадил ќе искорнам — целава оваа земја. 5 А ти за себе сакаш нешто големо — не барај; бидејќи еве, Јас ќе испратам неволја врз секое суштество, вели Господ, а тебе ќе ти го подарам животот како да ти е плен, насекаде каде и да појдеш.“