Bible

1 Во оној ден, седум жени ќе се фатат за еден маж и ќе речат: „Свој леб ќе јадеме и своја облека ќе носиме, доста е само да се нарекуваме со твоето име — симни го од нас срамот наш!“ 2 Во оној ден фиданката Господова ќе се јави во убавина и чест, а плодот на земјата — во величие и слава, за спасе­ните синови израелски. 3 Тогаш преостанатите на Сион и пре­живеаните во Ерусалим — сите, запиша­ни како да живеат во Ерусалим, ќе се нарекуваат свети, 4 кога Господ ќе ја измие нечистотијата на ќерките сионски и ќе ја исчисти крвта на Ерусалим од средината негова со дух, кој суди и со дух, кој пали. 5 И ќе направи Господ над секое мес­то на гората Сион и над собранијата, облак и дим дење, а блесок од пламнат оган — ноќе; зашто слава ќе покрива сѐ. 6 И ќе има шатор за сенка дење од припек и засолниште и заклон од лошо време.