Isaiah 21— 2006

¹Пророштво за крајморската пустина. — Како што бурите навалуваат од Негев, така доаѓа тоа од пустината, од страшната земја.

²Страшна глетка ми беше покажана: грабач граби, пустошник опустошува; оди Еламе, опсадувај Мидијо: на сите воздишки ќе им ставам крај.

³Од тоа бедрата ми треперат; маки ме обзедоа, како маки на родилка. За­глушен сум од тоа што слушам; вознемирен сум од ова што го гледам.

⁴Срцето ми трепери: морници ме об­земаат; радосната моја ноќ стана ужас за мене.

⁵Готват трпеза, постилаат покривки, јадат, пијат. „Станувајте, кнезови, на­мачкајте ги штитовите!“

⁶Зашто вака ми рече Господ: „Оди, постави стражар; нека го јавува тој она што го гледа.“

⁷И виде тој дека доаѓаат по двајца ја­вачи на коњи, јавачи на магариња, јавачи на камили; и претпазливо тој слушаше со големо внимание, —

⁸и почна да вика тој како лав: господаре мој, стоев на стража цел ден и на местото свое останував по цели ноќи:

⁹и ете, доаѓаат луѓе, јавачи на коњи по двајца. Потоа извика и рече: падна, падна Вавилон, и сите идоли на бого­вите негови лежат скршени на земјата.

¹⁰О, овршено жито на гумното мое! Она што го чув од Господ Саваот, Израеловиот Бог, тоа и ви го соопштив.

¹¹Пророштво за Едом. — Ми викаат од Сеир: „Стражару, кое време е во ноќта? Пазачу, кое време е ноќва?“

¹²Чуварот рече: „Наближува утрото, но и ноќта. Ако упорно прашувате — прашувајте; вратете се и дојдете.

¹³Пророштво за Арабија. — Во гората арабиска ноќевајте, каравани дедански.

¹⁴Жители на темајската земја, но­сете вода да ги пречекате жедните; со леб пречекајте ги бегалците;

¹⁵зашто тие бегаат од мечот, од гол меч, од затегнат лак и од жестокоста на војната.“

¹⁶Зашто вака ми рече Господ: „Уште една година, еднаква на наемничката година, — и сета слава на Ке­дар ќе ис­чезне,

¹⁷кај храбрите синови на Кедар ќе ос­танат мал број стрелци,“ така вели Господ, Бог Израелов.