Hebrews 13— 2006

¹Взаемната љубов нека пребива меѓу вас!

²Гостољубивоста не запоставувајте ја, бидејќи преку неа некои, и не знаејќи, им укажаа гостопримство на ангели.

³Помнете ги затворениците, како да сте со нив затворени, и оние што стра­даат, зашто и самите сте во тело.

⁴Бракот да се почитува од сите, и брачното легло да се пази неосквернето; а блудниците и прељубниците ќе ги суди Бог.

⁵Немојте да бидете среброљупци и задоволувајте се со она што го имате. Зашто Тој рекол: „Нема да те оставам, ниту, пак, ќе те напуштам“;

⁶така што слободно да велиме: „Гос­под ми е помошник, и нема да се пла­шам; што може да ми направи човек?“

⁷Помнете ги и вашите учители, што ви го проповедаа словото Божјо и, имајќи го пред очи исходот на нивниот живот, подражавајте ја верата нивна.

⁸Исус Христос е ист вчера, и денес, и во вечни векови.

⁹Не бидете завлечени од разни туѓи учења; зашто е добро со благодат да се поткрепува срцето, а не со уредби за јадења, од кои немаа никаква полза оние што ги применуваа.

¹⁰Ние имаме жртвеник од кого немаат право да јадат оние што ѝ служат на скинијата,

¹¹бидејќи телата на животните, чија крв првосвештеникот ја внесува во светилиштето за очистување на гре­во­вите, се изгоруваат надвор од жи­ве­алиштето.

¹²Затоа и Христос, за да ги освети луѓето со крвта Своја, пострада надвор од градските порти.

¹³И така, да Му пристапуваме надвор од живеалиштето, носејќи ја Неговата поруга,

¹⁴бидејќи овде немаме постојан град, туку го очекуваме оној што ќе дојде.

¹⁵Преку Него, пак, секогаш да Му принесуваме на Бога пофална жртва, односно плод од усните што го прос­ла­вуваат името Негово.

¹⁶А добродетелството и милосрдноста не ги заборавајте, зашто такви жртви Му се благоугодни на Бога.

¹⁷Покорувајте им се на учителите ва­ши и бидете им послушни, зашто тие, бидејќи се задолжени да одговараат, бдеат за вашите души, — та со радост тоа да го вршат, а не со воздишки, зашто тоа не е полезно за вас.

¹⁸Молете се за нас, зашто сме уве­ре­ни дека имаме добра совест, грижејќи се во сѐ добро да постапуваме.

¹⁹Уште повеќе ве молам да го вршите ова, та поскоро да се вратам меѓу вас.

²⁰А Бог на мирот, Кој преку крвта на вечниот завет Го воздигна од мртвите големиот Пастир на овците — нашиот Господ Исус Христос,

²¹нека ве усоврши во секое добро дело за да ја исполните Неговата волја, вршејќи го во вас она што Му е Нему благоугодно, преку Исус Христос, Не­му слава во вечни векови, Амин!

²²Ве молам, браќа, трпеливо примете го ова поучно слово: зашто накратко и ви напишав и испратив.

²³Знајте дека братот Тимотеј е ослободен, со кого, ако дојде навреме, ќе ве видам.

²⁴Поздравете ги сите ваши учители и сите светии! Ве поздравуваат браќата што се од Италија.

²⁵Благодат со сите вас. Амин!