2 Samuel 20— 2006

¹Случајно таму се наоѓаше еден лош човек, по име Сева, син на Бихриј, од Венијаминовото племе. Тој затруби со труба и рече: „За нас нема дел во Давид и нема за нас наследство кај Јесеевиот син; Израелци, сите во шаторите!“

²И сите Израелци се одделија од Давид и отидоа по Сева, синот на Би­х­риј, а Јудејците останаа од страната на царот свој, од Јордан до Ерусалим.

³Давид дојде во домот свој во Ерусалим; и ги зеде царот десетте жени наложници што беше ги оста­вил да ја чуваат куќата; ги смести во одделна куќа под надзор; ги хранеше, но не оде­ше кај нив. И тие престојуваа таму сѐ до смртта своја и живееја таму како вдовици.

⁴А му рече царот на Амаса: „Свикај ги за три дни Јудејците кај мене и ти самиот дојди тука!“

⁵И Амаса отиде да ги свика Јудеј­ците, но се задржа повеќе од определеното време.

⁶Тогаш Давид му рече на Авеса: „Бихриевиот син Сева сега ќе ви доне­се повеќе зло, отколку Авесалом; земи ги слугите на господарот свој и следи го, да не би да најде утврдени градови и да се сокрие од очите наши.“

⁷И излегоа по него Јоавовите луѓе, и Керетијците и Пелетијците, и сите храбри борци тргнаа од Ерусалим во потера по Бихриевиот син Сева.

⁸А кога се доближија до големиот ка­мен што е кај Гаваон, ги сретна Амаса. Јоав беше облечен во воената облека своја и препашан со меч, кој висеше на колкот во ножница и кој лесно се ва­деше од неа и влегуваше.

⁹Јоав му рече на Амаса: „Здрав ли си, брате?“ Јоав ја фати со својата десна рака брадата на Амаса за да го бакне.

¹⁰Амаса, внимаваше на мечот што бе­ше во раката на Јоав, и тој го прободе со него во стомакот, така што цревата му се истурија на земја, без да го удри по вторпат, и тој умре. Јоав и братот негов Авеса тргнаа во потера по Сева, Бихриевиот син.

¹¹Еден од Јоавовите слуги стоеше кај трупот на Амаса и велеше: „Кој му е верен на Јоав и кој е за Давид, нека оди по Јоав!“

¹²А умрениот Амаса лежеше во крвта среде патот. И тој човек, гледајќи дека сите луѓе се запираат над него, го одвлече Амаса од патот во полето и стави врз него облека, бидејќи виде дека секој што минуваше, се запираше над него.

¹³Но кога тој беше оддалечен од патот, сиот народ Израелов тргна по Јоав да го гони Сева, Бихриевиот син.

¹⁴И тој мина низ сите израелски племиња до Авел-Бет-Мааха и преку целиот Берим; и сите жители од градовите се собираа и одеа по него.

¹⁵И дојдоа и го опсадија Авел Бет — Мааха; издигнаа насип пред гра­дот, се приближија до ѕидот, и сите луѓе што беа со Јоав, напнаа да го соборат ѕидот.

¹⁶Тогаш една умна жена извика од градскиот ѕид: „Чујте, чујте, кажете му на Јоав да дојде ваму, и јас ќе поразговарам со него.“

¹⁷Јоав се приближи до неа, и жената праша: „Ти ли си Јоав?“ И тој одговори: „Јас сум.“ Таа рече: „Чуј ги зборовите на слугинката твоја.“ А тој одговори: „Слушам.“

¹⁸Таа рече: „Едно време велеа: кој сака да праша, нека праша во Авел; и така го решаваа проблемот.

¹⁹Јас сум од мирните, верни израел­ски градови, а ти сакаш да го урнеш гра­дот, и тоа градот — мајка во Изра­ел. Зошто да го разурнуваш наследството Господово?“

²⁰Јоав одговори и рече: „Далеку да е од мене, јас да разурнувам или да униш­тувам!

²¹Тоа не е така; не се работи за тоа, туку еден човек од Ефремовата Гора, по име Сева, синот Бихриев, крена рака против царот Давид; само него дајте ми го, и јас ќе отстапам од градот.“ А же­ната му рече на Јоав: „Еве, неговата глава ќе ти биде фрлена од ѕидот.“

²²Жената отиде пред сиот народ со умните зборови свои и му зборуваше на целиот град да му ја пресечат главата на Сева, Бихриевиот син. И му ја пресекоа главата на Сева, синот на Бихриј, и му ја фрлија на Јоав. Тогаш Јоав за­труби со труба, и сите луѓе се разотидоа од градот по шато­рите свои; а Јоав се врати во Еруса­лим кај царот.

²³Јоав беше поставен над сета изра­елска војска, додека Ванеја, синот на Јодај, командуваше со Керетијците и над Пелетијците;

²⁴Хадорам одговараше за даноците; Јосафат, Ахилудовиот син, беше лето­писец;

²⁵Сева — писар; Садок и Авијатар — свештеници;

²⁶исто така и Ира Јаирецот беше свештеник кај Давид.