2 Corinthians 13— 2006

¹Ова е третпат како доаѓам кај вас: „Од устата на двајца или тројца сведоци ќе се потврди секој збор.“

²Како што ве предупредив, кога бев по вторпат кај вас, така и сега, кога не сум меѓу вас, ги предупредувам оние кои однапред погрешија и сите други, дека ако дојдам пак, нема да поштедувам;

³вие барате доказ дека зборува Хрис­тос во мене, Кој спрема вас не е не­мо­ќен, туку е силен меѓу вас.

⁴Зашто, иако беше во немоќ распнат, Тој е жив по моќта Божја; бидејќи сме и ние слаби во Него, но ќе бидеме живи со Него, преку силата Божја меѓу вас.

⁵Испитувајте се сами себе дали сте во верата! Сами проверувајте се! Или не сте свесни дека Исус Христос е во вас? Освен, само ако сте недостојни.

⁶А за нас, се надеваме дека ќе раз­бе­рете дека ние не сме недостојни.

⁷Му се молиме на Бога да не правите никакво зло; не да се покажеме ние ка­ко достојни, туку вие да вршите добро, па макар ние како недостојни да оста­не­ме.

⁸Зашто ние сме силни не против вис­тината, туку за вистината.

⁹Се радуваме кога ние слабееме, а вие јакнете. А за тоа и Му се молиме на Бо­га за вашето усовршување.

¹⁰Овие работи ви ги пишувам додека сум далеку од вас; па, кога ќе дојдам кај вас, да не употребам строгост според власта која ми ја даде Господ за надгра­дување, а не за рушење.

¹¹И така, браќа, радувајте се, усо­в­р­шувајте се, утешувајте се, бидете едно­мислени, живејте во мир, — и Бог на љу­бовта и на мирот ќе биде со вас.

¹²Поздравете се еден со друг преку свет целив. Ве поздравуваат сите све­тии.

¹³Благодатта на нашиот Господ Исус Христос и љубовта на Бога и Отецот и заедништвото на Светиот Дух нека би­дат со сите вас. Амин!