1 Timothy 1— 2006

¹Павле, апостол на Исус Христос, по повелба на Бога нашиот Спаси­тел и Господ Исус Христос, нашата на­деж,

²до Тимотеј, вистинското чедо по ве­ра. Благодат, милост и мир од Бог Оте­цот наш и Христос Исус нашиот Гос­под!

³Како што на тргнување за Маке­до­нија те молев да останеш во Ефес да им заповедаш на некои да не проповедаат друго учење,

⁴и да не се занимаваат со басни и бес­крај­ни родословија, кои повеќе предиз­викуваат расправии, отколку Божјо устројство во верата.

⁵А целта на оваа заповед е: љубов од чисто срце, добра совест и нелицемерна вера.

⁶Некои, откако не ги постигнаа тие работи, се оддадоа во празнословија,

⁷и сакаат да бидат учители по За­ко­нот, но не разбираат ни што зборуваат, ниту што тврдат.

⁸А ние знеме дека Законот е добар, ако некој законски го применува.

⁹Знаејќи дека Законот не е установен за праведник, туку за беззаконици и не­покорници, за нечестиви и за грешници, за неправедни и осквернители, за таткоубијци и мајкоубијци, за човекоубијци,

¹⁰за блудници, за мажеложници, тр­говци со робје, клетвопрестапници, ско­то­ложници, лажливци, и за сѐ друго, што е спротивно на здравата наука,

¹¹според славното Евангелие на бла­жениот Бог, кое ми е мене доверено.

¹²Му благодарам на Христос Исус, нашиот Господ, Кој ми даде сили, заш­то сметаше дека заслужувам доверба, кога мене ме постави на служба,

¹³мене, кој порано бев хулител, гонител и насилник; но ме помилува, би­деј­ќи тоа го правев без да знам, во неверие.

¹⁴Но заедно со верата и љубовта во Христос Исус изобилуваше и благодатта на нашиот Господ.

¹⁵Верен е тој збор и достоен е сосема да се прифати: Христос Исус дојде во светот да ги спаси грешниците, меѓу кои сум прв јас.

¹⁶Па затоа бев помилуван, за да ја по­каже Исус Христос прво на мене сета долготрпеливост, како пример на оние кои ќе поверуваат во Него за живот ве­чен.

¹⁷А на Царот на вековите, на Не­рас­падливиот, Невидливиот, Единствен Премудар Бог — нека е чест и слава во сите векови. Амин!

¹⁸Чедо Тимотеј, оваа заповед ти ја предавам според пророштвата кои прво тебе те посочија да се бориш како добар војник потпирајќи се на нив,

¹⁹имајќи вера и добра совест, која не­кои ја отфрлија и претрпеа бродолом во верата;

²⁰меѓу нив се Именеј и Александар, што ги предадов на сатаната за да се на­учат да не хулат.