1 Corinthians 5— 2006

¹Од секаде се слуша дека кај вас има блудство и тоа какво што нема ду­ри ни кај незнабошците, односно дека некој држи таткова жена.

²А вие уште се гордеете, место да плачете. Нека се исфрли од вашата средина оној што го направил тоа дело.

³Јас, пак, иако со телото не сум кај вас, а само со духот, веќе го осудив, ка­ко да сум меѓу вас, оној што го направил тоа.

⁴Во името на нашиот Господ Исус Христос, кога ќе се соберете вие и мо­јот дух, со силата на нашиот Господ Исус Христос,

⁵да го предадете на сатаната, за по­гу­бување на неговото тело, та духот негов да биде спасен во денот на нашиот Гос­под Исус Христос.

⁶Вашето фалење не е добро. Не зна­ете ли дека малку квас го потквасува целото тесто?

⁷Затоа, исчистете го стариот квас, та да бидете ново тесто, како што сте бес­квасни; зашто Христос, Пасхата наша, беше жртвувана за нас.

⁸Па да празнуваме не со стар квас, ниту со квас од злоба и лукавство, туку со пресни лебови во чистота и вистина.

⁹Ви пишав во писмото свое — да не се мешате со луѓе што блудствуваат,

¹⁰но не и воопшто со блудниците од овој свет, или со користољупци, или со грабачи, или со идолопоклоници, зашто, инаку, би требало да излезете од овој свет.

¹¹Но сега ви пишувам да не се дру­жите со оној кој, нарекувајќи се брат, си останува блудник, или користољубец, или идолопоклоник, или хулник, или пијаница, или грабач; со таков дури и да не јадете.

¹²Затоа, дали треба јас да ги судам надворешните? Нели ги судите вие внат­решните?

¹³Надворешните, пак, ќе ги суди Бог, а вие исфрлете го лошиот меѓу вас.