1 Corinthians 1— 2006

¹Павле, по Божја волја повикан апостол на Исус Христос и братот Состен —

²до црквата Божја во Коринт, до осветените во Христос Исус, повикани светии, заедно со сите оние кои на секое место го повикуваат името на нашиот Господ Исус Христос, нивни и наш.

³Да имате благодат и мир од Бога, нашиот Отец, и Господ Исус Христос!

⁴Секогаш Му благодарам на мојот Бог за вас поради Божјата благодат што ви е вам дадена во Исус Христос,

⁵преку Кого станавте богати во сѐ, во секое слово и во секое знаење.

⁶Зашто се утврди во вас Христовото сведоштво,

⁷така што не сте лишени од ниеден дар вие, што го очекувате откровението на нашиот Господ Исус Христос.

⁸Тој ќе ве утврди и до самиот крај за да бидете беспрекорни во денот на на­шиот Господ Исус Христос.

⁹Верен е Бог, Кој ве повика во заедништво со Неговиот Син Исус Христос, нашиот Господ.

¹⁰Браќа, ве молам во името на на­ши­от Господ Исус Христос, сите вие да збо­рувате исто, и меѓу вас да нема раздори, туку да бидете совршено соеди­не­ти во еден ум и во исто мислење.

¹¹Зашто од домашните на Хлој чув за вас, браќа мои, дека меѓу вас имало кав­ги.

¹²Сакам да ви кажам дека секој од вас вели: „Јас сум Павлов“, „А јас сум Апо­лосов“, „Јас сум на Кифа“, „Јас, пак, Христов.“

¹³Па зар Христос е разделен? Зарем Павле беше распнат за вас? Или пак во името Павлово бевте крстени?

¹⁴Му благодарам на Бога што од вас никого не сум крстил, освен Крисп и Гај,

¹⁵та никој да не може да рече дека сте биле крстени во мое име.

¹⁶Навистина, го крстив уште и Сте­фаниновиот дом. Инаку не знам дали сум крстил и некој друг.

¹⁷Зашто Христос не ме прати да крш­тавам, туку да го проповедам Еван­ге­ли­ето, и тоа не со премудри зборови, за да не изгуби од силата крстот Христов.

¹⁸Зашто словото за крстот е безумие за оние што пропаѓаат, а за нас, кои се спасуваме, сила Божја.

¹⁹Зашто е напишано: „Ќе ја уништам мудроста на мудрите и ќе ја отфрлам разумноста на разумните.“

²⁰Каде е мудрецот? Каде е книж­ни­кот? Каде е препирачот од овој век? Не ја претвори ли Бог мудроста на овој свет во лудост?

²¹Зашто светот при мудроста Божја не Го позна Бога со мудрост; Бог благоволи со безумието на проповедта да ги спаси оние што веруваат.

²²Зашто Јудејците сакаат знаци, а Елините бараат мудрост,

²³ние, пак, Го проповедаме Христос распнатиот, Кој е за Јудејците соблазна, а за незнабошците безумие;

²⁴за повиканите, пак, како Јудејци, така и Елини, Христос Божја сила и Божја мудрост.

²⁵Зашто Божјото безумие е помудро од луѓето, и Божјата слабост е посилна од луѓето.

²⁶Гледате, браќа, какви сте вие, по­ви­каните: не мнозина сте мудри по тело, не мнозина силни, не мнозина благородни;

²⁷но Бог го избра она што е безумно за овој свет за да ги посрами мудрите; Бог го избра она што е слабо во светот за да ги посрами силните;

²⁸Бог ги избра и неугледните и през­рените на овој свет, и оние што не зна­чат ништо, за да ги уништи оние што значат нешто,

²⁹та никој да не се пофали пред Бога.

³⁰Од Него сте и вие во Исус Христос, Кој за нас стана мудрост од Бога, и пра­ведност, и осветување, и откуп,

³¹па да биде, како што е напишано: „Кој се фали, во Господ нека се фали.“