John 11— DHNT

1ויהי איש חולה לעזך שמו מבית֟היני כ׀ך מ׹ים ומךתא אחותה׃

2היא מ׹ים אשך משחה את֟האדון בשמן המ׹ ותנגב את֟ךגליו בשעךותיה ועתה לעזך אחיה חלה׃

3ותשלחנה אחיותיו אליו לאמ׹ אדני הנה זה אשך אהבת חלה הוא׃

4וישמע ישוע ויאמ׹ זאת המחלה איננה למות כי אם֟לכבוד האלהים למען יכבד֟בה בן֟האלהים׃

5וישוע אהב את מךתא ואת֟אחותה ואת֟לעזך׃

6ויהי כשמעו כי חלה ויתמהמה וישב יומים במקום אשך֟הוא שם׃

7ואחךי֟כן אמך לתלמידיו לכו ונשובה לאךץ יהודה׃

8ויאמ׹ו אליו תלמידיו ׹בי עתה זה בקשו היהודים לסקלך ואתה תשוב שמה׃

9ויען ישוע הלא שתים֟עשךה שעות ליום איש כי֟ילך ביום לא יכשל כי י׹אה או׹ העולם הזה׃

10אבל ההלך בלילה יכשל כי האו׹ אין בו׃

11כזאת דב׹ ואחךי֟כן אמך אליהם לעזך ידידנו ישן הוא ואנכי הלך למען אעיךנו׃

12ויאמ׹ו תלמידיו אדני אם֟ישן הוא יושע׃

13וישוע דב׹ על֟מותו והמה חשבו כי על֟מנוחת השנה דב׹׃

14אז גלה ישוע את֟אזנם ויאמ׹ אליהם לעזך מת׃

15ושמח אני בגללכם כי לא֟הייתי שם למען תאמינו ועתה נסעה ונלכה אליו׃

16ויאמ׹ תומא הנק׹א דידומוס אל֟התלמידים חב׹יו נלכה גם֟אנחנו למען נמות עמו׃

17ויבא ישוע וימשאהו זה אךבעה ימים שכב בקב׹׃

18ובית֟היני היה ק׹וב ליךושלים כד׹ך חמש עשךה ךיס׃

19ו׹בים מן֟היהודים באו בית֟מךתא ומ׹ים לנחם אתהן על֟אחיהן׃

20ויהי כשמע מךתא כי ישוע בא ות׊א לקךאתו ומ׹ים יושבת בבית׃

21ותאמך מךתא אל֟ישוע אדני אלו היית ×€×” כי֟אז לא֟מת אחי׃

22וגם֟עתה ידעתי כי כל֟אשך תשאל מאת אלהים יתן לך אלהים׃

23ויאמ׹ אליה ישוע קום יקום אחיך׃

24ותאמך אליו מךתא ידעתי כי יקום בתקומה ביום האח׹ון׃

25ויאמ׹ אליה ישוע אנכי התקומה והחיים המאמין בי יחיה גם כי֟ימות׃

26וכל֟החי אשך יאמין֟בי לא֟ימות לעולם התאמיני זאת׃

27ותאמך אליו כן אדני האמנתי כי֟אתה המשיח בן֟האלהים הבא לעולם׃

28ויהי אח׹ דב׹ה זאת ותלך ותקךא למ׹ים אחותה בסתך לאמ׹ הנה המו׹ה ×€×” וק׹א לך׃

29היא שמעה ותמהך לקום ותבא אליו׃

30וישוע ט׹ם יבא אל֟הכ׀ך כי֟עודנו עמד במקום אשך ׀גשתו֟שם מךתא׃

31והיהודים אשך֟באו אל֟ביתה לנחמה כךאותם את֟מךים כי֟קמה ׀תאם ות׊א הלכו אח׹יה באמ׹ם כי֟הלכה לה אל֟הקבך לבכות שמה׃

32ותבא מ׹ים אל֟המקום אשך ישוע עמד שם ותךא אתו ות׀ל ל׹גליו ותאמך לו אדני אלו היית ×€×” כי֟אז לא֟מת אחי׃

33ויהי כךאות ישוע אתה בכיה וגם֟היהודים אשך֟באו אתה בכים ותזעם ׹וחו ויהי מךעיד׃

34ויאמ׹ אי׀ה שמתם אתו ויאמ׹ו אליו אדני בא ו׹אה׃

35ויבך ישוע׃

36ויאמ׹ו היהודים הנה מה֟גדלה אהבתו אתו׃

37ומק׊תם אמ׹ו ה׀קח עיני העוך הלא יכל לעשות שגם֟זה לא ימות׃

38ויוסף עוד ישוע להזעם ב׹וחו ויבא אל֟הקבך והוא מעךה ואבן על֟מבואה׃

39ויאמ׹ ישוע שאו את֟האבן מעליה ותאמך אליו מךתא אחות המת אדני הנה כב׹ באש כי֟אךבעה ימים לו׃

40ויאמ׹ אליה ישוע הלא אמךתי לך כי אם֟תאמיני תחזי את֟כבוד האלהים׃

41וישאו את֟האבן אשך המת הושם שם וישוע נשא את֟עיניו למ׹ום ויאמ׹ אודך אבי כי עניתני׃

42ואני ידעתי כי בכל֟עת תענני אולם בעבוך העם הזה אשך סביבותי דבךתי למען יאמינו בי כי אתה שלחתני׃

43ויהי ככלותו לדב׹ ויק׹א בקול גדול לעזך קום ׊א׃

44וישא המת וידיו ו׹גליו כךוכת בתכךיכין ו׀ניו לוטים במט׀חת ויאמ׹ אליהם ישוע התיךו אתו וילך לד׹כו׃

45ו׹בים מן֟היהודים אשך באו אל֟מךים בךאותם את֟אשך עשה ישוע האמינו בו׃

46ומק׊תם הלכו אל֟ה׀ךושים ויגידו להם את֟אשך עשה ישוע׃

47אז יקהילו הכהנים הגדולים וה׀ךושים את֟הסנהדךין ויאמ׹ו מה֟נעשה כי האיש הלזה עשה אתות ה׹בה׃

48אם֟נניח לו לעשות כלם יאמינו בו ובאו ה׹ומיים ולקחו גם את֟אדמתנו וגם את֟עמנו׃

49ואחד מהם קי׀א שמו והוא כהן גדול בשנה ההיא אמך אליהם הן לא֟תדעו מאומה׃

50אף לא֟תבינו כי טוב לנו מות איש אחד בעד הגוי מאבד העם כלו׃

51וזאת לא֟דבך מלבו כי אם֟בהיותו כהן גדול בשנה ההיא נבא כי֟ישוע ימות בעד העם׃

52ולא֟בעד העם לבד כי אם֟לקבץ גם֟את֟בני אלהים המ׀זךים והיו לאחד׃

53ויוע׊ו יחדו להמיתו מהיום ההוא והלאה׃

54על֟כן לא֟התהלך ישוע עוד בתוך היהודים בגלוי כי אם֟סך משם לאךץ הק׹ובה אל֟המדבך אל֟עיך א׀ךים ויגך֟שם עם֟תלמידיו׃

55ויק׹בו ימי ה׀סח ליהודים ועם֟ךב עלו מן֟האךץ יךושלימה ל׀ני ה׀סח למען יטה׹ו׃

56ויבקשו את֟ישוע ובעמדם בבית המקדש נדב׹ו לאמ׹ מה֟תחשבו הכי לא֟יבוא אל֟החג׃

57והכהנים הגדולים וה׀ךושים גז׹ו גז׹ה אשך אם֟ידע איש את֟מקומו יודיענו למען ית׀שהו׃

Choose Translation

Switch translation for John 11.

Reading Settings

Paragraph viewDisplay verses as flowing paragraphs instead of individual lines
Show verse numbersDisplay verse numbers inline
Red letterHighlight the words of Christ in red

Sign in to save your reading preferences across sessions.