Bible

1 *** 2 Mag die Here, in tye van nood, antwoord op jou roepstem. Mag die Naam van die God van Jakob jou beveilig teen gevaar. 3 Mag Hy jou te hulp snel uit die heiligdom, en uit Sion jou versterk. 4 Mag Hy dink aan al jou graanoffers, en jou brandoffers gunstig aanvaar. Sela 5 Mag Hy jou hartsbegeertes vervul, en al jou planne verwesenlik. 6 Mag ons juig oor u oorwinning, en baniere hys in die Naam van ons God. Mag die Here al jou gebede verhoor. 7 Nou weet ek: die Here red sy gesalfde koning. Vanuit sy heilige hemel verhoor Hy hom en red hom deur sy groot mag. 8 Sommige volke vertrou op strydwaens en perde, maar ons vertrou op die Naam van die Here ons God. 9 Daardie volke sal val en ineenstort, maar ons sal opstaan en regop staan. 10 Gee tog oorwinning aan ons koning, Here! Mag die Here antwoord wanneer ons na Hom roep.