Psalms 136— NLV

¹Prys die Here, want Hy is goed! Aan sy liefde is geen einde nie.

²Prys die God van die gode. Aan sy liefde is geen einde nie.

³Prys die Heer van die here. Aan sy liefde is geen einde nie.

⁴Hy wat alleen magtige dade doen. Aan sy liefde is geen einde nie.

⁵Hy wat die hemele met insig gemaak het. Aan sy liefde is geen einde nie.

⁶Hy wat die aarde oor die waters uitgesprei het. Aan sy liefde is geen einde nie.

⁷Hy het die groot ligte gemaak, Aan sy liefde is geen einde nie.

⁸die son om te heers oor die dag, Aan sy liefde is geen einde nie.

⁹die maan en die sterre om te heers oor die nag. Aan sy liefde is geen einde nie.

¹⁰Die eerstelinge van Egipte het Hy getref Aan sy liefde is geen einde nie.

¹¹en Israel onder hulle uitgelei Aan sy liefde is geen einde nie.

¹²met ’n sterk hand en uitgestrekte arm. Aan sy liefde is geen einde nie .

¹³Hy het die Rietsee oopgekloof Aan sy liefde is geen einde nie.

¹⁴en Israel veilig laat deurtrek, Aan sy liefde is geen einde nie.

¹⁵maar Farao en sy leër in die Rietsee gegooi. Aan sy liefde is geen einde nie.

¹⁶Hy het sy volk deur die woestyn gelei. Aan sy liefde is geen einde nie.

¹⁷Hy het magtige konings uitgeroei, Aan sy liefde is geen einde nie.

¹⁸en magtige konings doodgemaak: Aan sy liefde is geen einde nie.

¹⁹Sihon, die koning van die Amoriete, Aan sy liefde is geen einde nie.

²⁰en Og, die koning van Basan. Aan sy liefde is geen einde nie.

²¹Hy het hulle land as ’n erfdeel gegee, Aan sy liefde is geen einde nie.

²²’n erfdeel vir Israel, sy dienaar. Aan sy liefde is geen einde nie.

²³Hy het aan ons gedink toe ons moedeloos was Aan sy liefde is geen einde nie.

²⁴en ons gered van ons vyande. Aan sy liefde is geen einde nie.

²⁵Hy gee kos aan al wat lewe. Aan sy liefde is geen einde nie.

²⁶Loof die God van die hemel! Aan sy liefde is geen einde nie.