Psalms 130— NLV

¹Uit die dieptes roep ek na U, Here,

²luister tog na my stem, Here. Let tog goed op die smeking van my gebed.

³Here, as U ons sondes sou opteken, wie, Here, sou ooit kon bestaan?

⁴Maar by U is vergifnis; daarom word U gevrees.

⁵Ek wag op die Here, ek wag, en hoop op sy woord.

⁶Ek wag op die Here, meer as wagte wag op die môre, wag op die môre.

⁷Israel, hoop op die Here, want by die Here is troue liefde, by Hom is volkome redding.

⁸Hy sal Israel bevry van al hulle sondes.