Bible

Psalms 95

Chinese (T) - TNV2012

1 來啊，𠊎等來頌讚上主！來向拯救𠊎等个保護者歡呼！

2 𠊎等愛用感謝个心來到佢面前；𠊎等愛向佢唱歡喜頌讚个詩歌。

3 因為上主係大能个上帝，係超過所有神明个大君王。

4 佢統治全地，從地个深淵到山个高峰。

5 佢管理自家所造个大海；佢管理親手創造个陸地。

6 來啊，𠊎等來伏等敬拜佢！來跪拜創造𠊎等个上主！

7 佢係𠊎等个上帝；𠊎等係佢看顧个子民，係佢牧養个羊群。今晡日，你等愛聽佢个話：

8 「毋好恁硬頸！莫像頭擺你等个祖先在米利巴恁樣，毋好像佢等在瑪撒曠野个時節恁樣；

9 雖然佢等看到𠊎為佢等所做个事，佢等還係在該位惹𠊎、試探𠊎。

10 經過四十年，𠊎盡惱該時代个人。𠊎講：『佢等一直恁毋忠心！佢等毋服從𠊎个命令！』

11 所以𠊎在怒氣中發誓講：『佢等絕對做毋得入去該地方享受𠊎所賜个安息！』」