Bible

1 萬民啊，愛拍手大聲喊！愛大聲唱歌，頌讚上帝！ 2 至高个上主係得人敬畏个；佢係大君王，統治全世界。 3 佢使萬民降服𠊎等；又使萬邦伏在𠊎等腳下。 4 佢為到𠊎等擇一垤住个土地，做佢所惜个雅各得意个產業。 5 上帝在歡喜喊个聲中登寶座；上主在羊角个聲音中坐王位！ 6 你等愛唱歌頌讚上帝！愛唱歌頌讚𠊎等个王！ 7 因為上帝係全世界个王；你等應當吟詩來頌讚佢！ 8 上帝坐在佢聖个寶座上；佢做王統治萬國。 9 列國个領袖聚集共下，愛做亞伯拉罕个上帝个子民；因為地上个王攏總屬上帝；佢遠遠超過萬有。