Bible

1 神个眾子啊，你等愛頌讚上主，愛頌讚上主个榮光㧯大權能！ 2 你等愛歸榮光給上主个尊名；你等愛跪拜聖潔威嚴个上主。 3 上主个聲音傳遍海洋；榮光个上帝響雷公，上主个聲音響遍大海。 4 上主个聲音大有能力；上主个聲音滿有威嚴。 5 上主个聲音將香柏樹打斷掉；連黎巴嫩个香柏樹被上主打碎掉。 6 佢使黎巴嫩像細牛緊跳，使黑門山像野牛牯緊跳。 7 上主个聲音𥍉出火光。 8 上主个聲音震動曠野；上主搖動加底斯个曠野。 9 上主个聲音使橡樹緊顫；樹仔也落葉，歸樹林光光。在佢聖殿中个，全部喊講：「榮光歸給上主！」 10 做大水个時，上主坐等做王；上主坐等做王，到永永遠遠。 11 願上主賜能力給佢个子民！願上主用平安賜福給佢等！