Bible

1 上主係𠊎个牧者；𠊎無欠麼介。 2 佢俾𠊎在青草地上休息，帶𠊎到安靜个水邊。 3 佢使𠊎个生命換新；因為佢个名，帶𠊎行正直个路。 4 雖然行過死蔭个山壢，𠊎也毋驚災害，因為你㧯𠊎同在。你用牧杖引導𠊎，用棍仔保護𠊎。 5 在𠊎敵人个面前，你為𠊎辦桌席；你款待𠊎像貴賓，為𠊎斟滿𠊎个杯仔。 6 𠊎確信，𠊎一生人會享受你个恩惠㧯不變个慈愛；𠊎愛永遠住在上主个聖殿中。