Bible

1 上主啊，𠊎全心感謝你，在眾神明面前歌頌你。 2 𠊎愛向你个聖所跪拜；𠊎愛因為你个慈愛㧯信實頌讚你个名；因為你有使你个名㧯你个話超越一切。 3 𠊎求喊个時，你就應𠊎；你用你个大能鼓勵𠊎。 4 上主啊，地上个君王愛頌讚你，因為佢等有聽到你所講个話。 5 佢等愛歌頌上主个作為，因為上主个榮光十分大。 6 上主至高，總係看顧卑微个人；相離盡遠，總係佢知麼人驕傲。 7 𠊎被患難圍困，總係你庇佑𠊎，使𠊎安全；仇敵對𠊎發譴，你伸手阻擋，用大能救𠊎。 8 上主一定會成全佢對𠊎个應許！上主啊，你个慈愛永遠長存！求你毋好放掉你親手所做个！