1最先簽名个係哈迦利亞个孻仔—省長尼希米，然後係希底家，下背个就係其他个人。
2祭司有：西萊雅、亞撒利雅、耶利米、
3巴施戶珥、亞瑪利雅、瑪基雅、
4哈突、示巴尼、瑪鹿、
5哈琳、米利末、俄巴底亞、
6但以理、近頓、巴錄、
7米書蘭、亞比雅、米雅民、
8瑪西亞、璧該、示瑪雅。
9利未人有：亞散尼个孻仔耶書亞，希拿達宗族个賓內，還有甲篾、
10示巴尼、荷第雅、基利他、比萊雅、哈難、
11米迦、利合、哈沙比雅、
12撒刻、示利比、示巴尼、
13荷第雅、巴尼、比尼努。
14人民个領袖有：巴錄、巴哈‧摩押、以攔、薩土、巴尼、
15布尼、押甲、比拜、
16亞多尼雅、比革瓦伊、亞丁、
17亞特、希西家、押朔、
18荷第雅、哈順、比賽、
19哈拉、亞拿突、尼拜、
20抹比押、米書蘭、希悉、
21米示薩別、撒督、押杜亞、
22比拉提、哈難、亞奈雅、
23何細亞、哈拿尼雅、哈述、
24哈羅黑、比利哈、朔百、
25利宏、哈沙拿、瑪西雅、
26亞希雅、哈難、亞難、
27瑪鹿、哈琳、巴拿。
28𠊎這兜以色列人：祭司、利未人、聖殿守衛、聖殿歌手、聖殿工人，就㧯一切住在𠊎等土地个外族人分開。𠊎這兜遵從上帝法律个人、𠊎等个𡜵娘㧯所有明白事理个細人仔，
29在這位㧯𠊎等个領袖共下發誓，若係違背就會受咒詛。𠊎等一定愛照上帝通過佢个僕人摩西所賜个法律來生活。𠊎等愛聽從上主—𠊎等个主給𠊎等个命令；𠊎等愛遵守佢所有个法律㧯規定。
30𠊎等毋㧯住在𠊎等土地个外族人通婚。
31若係住在這位个外族人在安息日抑係其他个聖日帶五榖抑係別个東西來賣給𠊎等，𠊎等毋向佢等買。堵到第七年，𠊎等毋耕種土地，也毋討轉所有个債。
32逐年，𠊎等逐儕愛奉獻五公克銀仔，幫助付上帝聖殿个費用。
33𠊎等愛負責聖殿敬拜所用个供餅、逐日个素祭、逐日个燒化祭、安息日个聖祭、逐月初一㧯其他節期个逐種聖祭、為以色列贖罪个祭，㧯聖殿所需要个一切東西。
34𠊎這兜人、祭司，㧯利未人愛照法律个規定，逐年抽籤決定㖠宗族應該負責供給柴，來燒牲儀獻給上主—𠊎等个上帝。
35逐年，𠊎等愛將地上最先收成个農作物㧯樹頂最先收成个水果帶到上主个聖殿。
36𠊎等逐儕愛照法律所寫个將頭胎个孻仔帶到聖殿，交給事奉上帝个祭司，獻給上帝；也愛將頭胎个牛羊帶去獻給上帝。
37逐年，𠊎等愛將該用最先收成个農作物做个麵團帶到聖殿祭司該位；也愛將新酒、橄欖油，㧯逐種水果獻上。𠊎等愛將土地收成个十分之一帶給利未人，因為利未人在𠊎等个農村收十分之一奉獻。
38收十分之一奉獻个時，亞倫後代該兜祭司當中愛有一儕㧯利未人共下，然後，利未人對收來个十分之一奉獻當中拿出十分之一來，送入聖殿倉庫做聖殿个費用。
39以色列人㧯利未人又愛將獻出來个五榖、新酒、橄欖油送入放聖殿器皿个倉庫，就係值班个祭司、聖殿守衛，㧯聖殿歌手住个所在。𠊎等絕對毋會毋顧𠊎等上帝个聖殿。