Leviticus 13
1 上主向摩西㧯亞倫宣佈以下个條例。
2 若有人个皮肉起皰、發癬，抑係發炎，當像係發癩，就愛帶佢到亞倫族个祭司該位去。
3 祭司愛檢查佢發東西个位所；若係發東西个位所个毛變白色，發東西个現象深入皮肉，這就係癩，祭司愛宣佈這個人在禮儀上無淨浰。
4 若係這個人發東西个位所變做白色，總係無深入皮肉，毛也無變白色，祭司愛將佢隔離七日。
5 第七日，祭司愛加檢查一擺，若係發東西个位所無變較嚴重，也無遰到較大𣽛，就愛繼續將佢隔離七日。
6 第七日，祭司愛再檢查佢；若係發東西个位所變做無恁白，無遰到較大𣽛，祭司就愛宣佈這個人係淨浰个；佢發个係癬定定。這個人愛洗淨佢个衫褲。恁樣，佢在禮儀上就淨浰了。
7 總係，祭司檢查佢，宣佈佢在禮儀上淨浰後，若係發東西个位所又緊遰緊大𣽛，佢就愛轉到祭司該位。
8 祭司愛重新檢查佢；若係發現發東西个位所有影遰到較大𣽛，就愛宣佈佢在禮儀上係無淨浰个。這係癩。
9 若係有人發癩，愛帶佢到祭司該位；
10 祭司愛檢查佢。若係發東西个位所腫起來、皮膚變白色，毛也變白，又糜到看得到肉，
11 這係慢性癩个病症。祭司愛宣佈佢無淨浰，毋使將佢隔離，因為已經知佢係無淨浰个。
12 若係癩遰到全身逐位，對頭那到腳全部有，
13 祭司就愛再檢查佢；就算發現佢全身雖然發癩，還係愛宣佈佢在禮儀上係淨浰个；因為全身个皮肉變白，佢在禮儀上也係淨浰个。
14 總係，一發現有紅腫个肉，佢就算係無淨浰个。
15 祭司檢查佢，一發現有紅腫个肉，就愛宣佈佢無淨浰，係癩个病症。
16 總係紅腫个位所若係好轉來，變做白色，佢就愛轉到祭司該位；
17 祭司愛重新檢查佢。若係發東西个位所確實變白，佢在禮儀上係淨浰个；祭司愛宣佈佢淨浰。
18 若有人个皮膚發粒仔，已經好了，
19 原來發粒仔个位所又腫起來變做白色，抑係有紅白斑點出現，佢愛去俾祭司看；
20 祭司愛檢查佢。若係有深入皮肉个情形，毛又變白色，祭司愛宣佈佢無淨浰；這係對粒仔變做癩个症頭。
21 若係祭司檢查个時，發現毛無變白，發粒仔个現象也無深入皮肉，色也無恁白，祭司愛將佢隔離七日。
22 若係發粒仔个位所遰到較大𣽛，祭司愛宣佈佢無淨浰；這係癩个症頭。
23 若係發粒仔个位所無變較嚴重，也無遰到較大𣽛，該就係粒仔个疤定定。祭司愛宣佈佢在禮儀上係淨浰个。
24 若有人被火燒傷，傷口變白抑係有紅白斑點，
25 祭司就愛檢查。若係傷口个毛變白，傷口深入皮肉，這係癩對火燒傷个傷口發出來个症頭，祭司愛宣佈佢無淨浰。
26 若係傷口个毛無變白，傷口無深入皮肉，色也無恁白，祭司愛將佢隔離七日。
27 第七日，祭司愛再檢查佢。若係傷口遰到較大𣽛，這係癩个症頭，祭司愛宣佈佢無淨浰。
28 若係傷口無變嚴重，也無遰到較大𣽛，色也無恁白，這就係因為火燒傷腫起來个。祭司愛宣佈佢在禮儀上淨浰，因為這係燒傷个疤定定。
29 無論男女，頭那頂抑係下頷若有發東西，
30 祭司就愛檢查。若係發東西个位所深入皮肉，該位所个頭那毛抑係鬍鬚變黃色，又變較少，這係癩个症頭，祭司愛宣佈這個人無淨浰。
31 祭司檢查个時，若係發現發東西个現象無深入皮肉，總係吂生烏色个頭那毛抑係鬍鬚，祭司愛將佢隔離七日。
32 第七日，祭司愛再檢查發東西个現象；若係發東西个位所無遰到較大𣽛，頭那毛抑係鬍鬚無變黃，發東西个位所也無深入皮肉，
33 這個人就愛將發東西个位所周圍个頭那毛抑係鬍鬚剃掉。然後，祭司愛將佢再隔離七日。
34 第七日，祭司愛重新檢查發東西个位所；若係發東西个位所無遰到較大𣽛，也無深入皮肉，祭司愛宣佈佢在禮儀上係淨浰个。佢愛洗淨衫褲，恁樣佢就淨浰了。
35 總係，淨浰後，發東西个位所若緊遰緊大𣽛，
36 祭司就愛再檢查佢。若係發東西个位所有遰到較大𣽛，就毋使再尋變黃个頭那毛抑係鬍鬚，佢係無淨浰个。
37 若係認為發東西个位所無遰到較大𣽛，烏色个頭那毛抑係鬍鬚也生出來，發東西个位所就算好了；祭司愛宣佈佢在禮儀上係淨浰个。
38 無論男女，若係皮膚有白色个斑點，
39 祭司就愛檢查。若斑點係暗灰色，這係皮膚發癬；這個人在禮儀上係淨浰个。
42 總係𢫫毛个位所若出現白中帶紅个症頭，這係癩个病症。
43 祭司愛檢查佢；若係光頭个位所正經有白中帶紅个症頭，
44 祭司愛宣佈佢係無淨浰个，因為佢个頭那發癩。
45 發癩个人一定愛著扯爛个衫，頭那毛愛裝俾它襛襛，揞等嘴唇，喊講：「無淨浰，無淨浰！」
46 在癩吂醫好以前，佢係無淨浰个；佢一定愛住在營外，㧯別人隔離。
49 這生菇若係青色抑係紅色，就係會遰到較大𣽛个菇，一定愛交給祭司檢查。
50 祭司愛詳細檢查，將它隔離七日。
51 第七日，愛再檢查它。若係生菇遰到較大𣽛，這東西係無淨浰个。
52 祭司愛將它燒掉，因為它係會緊遰緊大𣽛个菇，一定愛用火燒掉。
53 總係，祭司檢查後若發現這生菇無遰到較大𣽛，
54 佢愛喊人洗該東西，將它再隔離七日。
55 然後，祭司愛再檢查它；若係生菇無遰到較大𣽛，總係還係無變色，這東西還係無淨浰个。無論生菇係在正面抑係背面，該東西一定愛用火燒掉。
56 總係，祭司再檢查它个時，若係發現生菇已經無掉，就愛將該部份扯下來。
57 以後，生菇若又出現，又緊遰緊大𣽛，你就愛用火將該東西燒掉。
58 若係你將該東西洗過，生菇就無掉去，你愛再洗一擺，恁樣該東西在禮儀上就淨浰了。
59 以上係有關衫褲生菇个條例。無論係羊毛衫抑係麻紗衫，係直紗抑係橫紗个，抑係皮个東西，所有生菇个，全部愛按照這條例來決定淨浰抑係無淨浰。