Joshua 21
1 利未各家族該兜族長去見祭司以利亞撒、嫩个孻仔約書亞，㧯以色列各支族、各家族該兜領袖，
2 在迦南地个示羅對佢等講：「上主識通過摩西傳下命令，愛分兜城給𠊎等住，還愛有草埔好畜𠊎等个頭牲。」
3 所以，以色列人就照上主个命令，對佢等自家个土地中將以下所記个城鎮㧯草埔分給利未人：
4 利未支族个哥轄宗族最先分到城鎮。祭司亞倫家族个後代對猶大、西緬、㧯便雅憫支族个土地分到十三座城。
5 哥轄宗族其他个家族對以法蓮、但、㧯西瑪拿西支族个土地分到十座城。
6 革順宗族對以薩迦、亞設、拿弗他利、㧯在巴珊个東瑪拿西支族个土地分到十三座城。
7 米拉利宗族對呂便、迦得，㧯西布倫支族个土地分到十二座城。
8 以色列人照上主通過摩西傳下个命令，用抽籤个辦法將這兜城鎮㧯各城附近个草埔分配給利未人。
9 以下這兜城係對猶大㧯西緬支族个土地分出來，
10 給亞倫个後代。亞倫屬利未支族、哥轄宗族。佢等最先分到城鎮。
11 佢等得到个城有亞巴(亞巴係亞衲个阿爸)，這下安到希伯崙，在猶大山區；佢等也分到亞巴周圍个草埔。
12 總係屬這城个田地㧯村莊，已經分給耶孚尼个孻仔迦勒做產業。
13 祭司亞倫个後代，除了分到希伯崙(逃閃城之一)以外，還分到以下這兜城：立拿、
14 雅提珥、以實提莫、
15 何崙、底璧、
16 亞因、淤他㧯伯‧示麥，總共九座猶大㧯西緬支族个城，㧯各城附近个草埔。
17 佢等也對便雅憫支族个土地分到四座城，就係基遍、迦巴、
18 亞拿突、亞勒們，㧯各城附近个草埔。
19 祭司亞倫个後代總共分到十三座城，㧯各城附近个草埔。
20 利未个哥轄宗族其他个家族對以法蓮支族个土地分到四座城，
21 就係以法蓮山區个示劍(逃閃城之一)、基色、
22 基伯先、伯‧和崙，㧯各城附近个草埔。
23 佢等對但支族个土地也分到四座城：伊利提基、基比頓、
24 亞雅崙、迦特‧臨門，㧯各城附近个草埔。
25 佢等對西瑪拿西支族个土地分到兩座城：他納、迦特‧臨門，㧯各城附近个草埔。
26 哥轄宗族其他个家族總共分到十座城，㧯各城附近个草埔。
27 利未个革順宗族對東瑪拿西支族个土地分到兩座城：巴珊个哥蘭(逃閃城之一)、比‧施提拉，㧯各城附近个草埔。
28 佢等對以薩迦支族个土地分到四座城：基善、大比拉、
29 耶末、隱‧干寧，㧯各城附近个草埔。
30 佢等對亞設支族个土地也分到四座城：米沙勒、押頓、
31 黑甲、利合，㧯各城附近个草埔。
32 佢等對拿弗他利支族个土地分到三座城：加利利个基低斯(逃閃城之一)、哈末‧多珥、加珥坦，㧯各城附近个草埔。
33 革順宗族各家族總共分到十三座城，㧯各城附近个草埔。
34 其他个利未人、米拉利宗族，對西布倫支族个土地分到四座城：約念、加珥他、
35 丁拿、拿哈拉，㧯各城附近个草埔。
36 佢等對呂便支族个土地分到四座城：比悉、雅雜、
37 基底莫、米法押，㧯各城附近个草埔。
38 佢等對迦得支族个土地分到四座城：基列个拉末(逃閃城之一)、瑪哈念、
39 希實本、雅謝，㧯各城附近个草埔。
40 其他个利未人、米拉利宗族總共分到十二座城。
41 以色列人對佢等个土地總共分出四十八座城，㧯各城附近个草埔給利未人。
42 這兜城四周圍有草埔，逐座城全部係恁樣。
43 恁樣，上主照佢向以色列人个祖先所應許个，將所有个土地賜給佢等。佢等佔領該兜土地，就在該位安居。
44 上主賜給佢等境內太平，就像佢對佢等个祖先所應許个。佢等个仇敵無一個有辦法㧯佢等作對，因為上主將所有个敵人全部交在以色列人手中。
45 上主應許賜福給以色列人个話，一句也無漏掉，全部有實現。